 |
| Utsikt frå Skredvarden på Atløyna til Lutelandet På Lutelandet kjem det no 230 meter høge vindturbinar. Konsesjonen er særs mangelfull. Selskapet var blant etablerarane av Vindkraftforum S&Fj. "Konkelimonke" gjennom Fylkesdelsplan for vindkraft og ikkje vurdert i Nasjonal ramme. Dette sjølv om område nord og sør om er ekskluderte. |
Sett i samanhang er eitt av poenga som dukkar opp at det politisk og folkeleg er særs taust i min eigen kommune Askvoll når det kjem til vindkraft. Ikkje minst er dette faretrugande når ein veit at nabokommunar rundt oss som Fjaler, Høyanger, Gaular, Gulen og Solund no seier nei og vil ut av den nasjonale ramma for vindkraft. At ein har fleire eksklusjonsområde på øyane våre er flott. Likeeins på Staveneset. Men sidan kommunen og politikarane er "tause som graven" opnar det sjølvsagt opp for utbygging av andre område nord for Dalsfjorden. Som ikkje er ekskluderte. Når nabokommunane våre seier nei, medan vår "eigen held kjeft", er det jo nettopp difor vi kan risikere å få tredd heile skiten ned over hovuda våre. Og NVE får rett - Askvoll er nikkedokkelandet. Industriområde på Moldura, Hekkelfjellet, Bakkefjellet, Nipebuområdet. Ja, og så vidare i fjellområda på Førdefjordsida.
 |
| Vil politikarane i Askvoll ha industriområde for vindturbinar på Moldura? Foto 17.mai 2019 |
 |
| Kva med Dokka? Vindturbinar her? |
Det er på tida at Askvoll-politikarane vaknar frå dvalen. Eg som veljar til komunevalet til hausten har krav på eit svar kvar partia står i denne saka. No!
(Sjekk mine eigne linkar og arbeid)
Stopp raseringa av kysten
Nasjonal ramme for vindkraft
Vindkraft i Sunnfjord og Sogn
Ja til bevaring av kyst og fjell
1 kommentar:
Det som har kome fram no er at Askvoll kommune skal behandle Nasjonal ramme for Vindkraft og vårt område 19 i neste komunestyremøte 18.september. Altså etter kommunevalet. Men det er det gamle kommunestyret som skal handsame saka.
Eg synest det er veldig svakt av kommunen og dei politiske partia å ikkje ville flagge meiningane før valet slik at vi som veljarar veit kva parti vi kan stole på om Askvoll-fjella blir søkt bygde ut. MItt syn er at ein med dette har "feiga" ut i redsle for å ta i ei varm potet. Og problemet blir at vankelmodigheita i høve nabokommunane kan føre til at kraftcowboyane står på dørene til grunneigarane også her i kommunen. Det er tragisk. Men ein mogeleg strategi for å få på plass konsesjonar her når andre seier nei.
Legg inn en kommentar