Desember

Desember nærmar seg. Her er ein serie arkivbilder frå månaden. 

Dette er ei fin tid i fjellet. Spesielt om det lagar seg med vèret. 

Det pastellfarga og låge lyset om vinteren er vakkert.  

Kjøleg austavind

Hadde eit par ærend i Askvoll i dag så då passa det med ein tur oppom Hjartåsen òg. Vindstille inn Askdalen då sola rann. Men ganske så kjøleg austavind oppover mot toppen. Elles frose underlag med is her og der. Flott trimtur!

Nydelege Holmedal

I dag gjekk turen til Holmedal. Til vassverket der mange av turane i området startar. Det var Dokka som var målet. Og i dag vart Olaug med. Vi gjekk opp ranen på austsida. Brattaste turen. Det var tørt og frose underlag oppover. Litt is her og der. Som gjekk fint å trakke utom. Temperaturen låg rundt null grader vil eg tru. Noko aust trekk mot toppen. 

Ned att gjekk vi via Grønene og Vikastølen. Nydeleg tur med perfekt utsikt til Dalsfjorden og dei flotte bygdelaga ikring. 

Foto Dokka  201122

Morgonstund

 

Flott morgonstund på Høgeheia igjen.

Tørt og fint i terrenget no. Litt vind og frost på toppen.

Morgon i Askvoll

Fin trimtur inn Askdalen og opp på Hjartåsen i Askvoll i dag tidleg. Her er det trimpost for AHIL. Framleis noko blautt og ikkje minst glatt i bakkane mot toppen. Vått gamalt gras og rotnande lauv er reine "isen"... Det medførte sedvanleg fall - i dag òg. Både eitt og to. Men dette går som regel bra. 

Fekk oppleve soloppgangen over bygda. Herleg! Og denne veka ser vèret faktisk brukande ut. I morgon blir det rett nok Førde-tur og neppe fjelltur... Men resten av veka må eg få til eitt eller anna... 😊

Tussmørke

Alden og Atløy

  

Holmedal

Tussmørke: 11.11.11 var ein spesiell og minnerik dato! Her er eg på Moldura i den blå timen eller i tussmørke. Vi ser Atløy, Alden og Holmedal.

Frå Wikipedia: 

"Halvmørket skaper en særegen trolsk stemning, men i ny tid har tussmørket, i stedet for å være tiden da man synes man ser tusser, blitt tiden da det tennes elektriske lys overalt. I norsk tradisjon er "å holde skyming" det å sitte og hvile innomhus uten å tenne lys, før det blir så mørkt av man må tenne lys for å få gangsyn".

Det er ei flott stemning når ein i tussmørke eller den blå timen kan sjå ut på dei flotte bygdelaga ved Dalsfjorden, Når "lysene tennes der hjemme"...

Her bildefil frå 11.11.11

Eitt år sidan

Dagens selfie

Dagens Alden

Ei einsleg småspove på Staveneset (nede t.h.)

Det er fin utsikt på Høgeheia

Ja, i dag er det forsyne meg eitt år sidan eg braut handleddet oppe i Kvamsnipa i Skorvemarka. Tida flyg! Heldigvis har dette blitt 95% godt igjen. Ei innplanta stålplate får eg ta med meg i grava. Ikkje noko heft... 😅

Olaug har "bakeveke" denne veka. Om det er noko som heiter det. Gjekk tom for flatbrød forrige månad. Så det kjem vel med. No vart det likevel høve til at fruen vart med meg på Høgeheia - igjen. Fint det. Det var heilt vindstille og opplett. 5-6 grader i lufta og overskya. Noko gjørmete mange plassar no. Men klede og sko er berre å vaske reine igjen. Kjekk trimtur! Så no er det berre å fyre i omnen og vente på flatbrøda...😃 

Solnedgang

 Fin fredagskveld.

Letta fint opp etter ein skya og regnfull dag...

Forandring fryder

 

Fin utsikt bort på Høgeheia

Forandring fryder. Godt å få endra litt på menyen. Så i dag stakk eg nedom til Askvoll, inn Askdalen og opp på fjelltrimposten på Hjartåsen. Med perfekt utsikt bort på Høgeheia. Fjellet som eg har gått ein del på i det siste. Det ligg som vi ser ute på Stavenesodden. 

Veret: Opplett, 7 grader, vindstille, men ganske vått og gjørmete. 

Heftige byger og stormkast

Fin novembersol

Fin novembersol heime i ettermiddag. Ho varma litt i solkroken på altanen. Iallefall nok til at tærne fekk lufte seg lite vetta... Eit par timar seinare gjekk ho fint ned rett sør for Hovden på Atløy, Rett ute i fjorden. Velkomen skal du vere tilbake. 

Fine skyer

Fine skyer i dag - morgon og kveld