Flott konfirmasjonsdag til Sander i Førde i går. Staseleg konfirmant. God mat, gode talar og mykje folk samla i det nydelege vèret på Sunde skule. Bilda frå dagen legg eg likevel ikkje ut her.
Om august ikkje heilt er omme, har eg laga ein serie samlebilder frå denne månaden òg. Dette var siste månaden eg mangla for å gjere samlinga komplett. Bildeseriane ligg alle til høgre på framsida (sjå nettversjon). (Hugs at bilda gjer seg best på stor skjerm).
 |
| Holmedal og Straumsnes i dag |
Nydeleg morgontur til Holmedal og ruta opp Grønene til Kalderasnipa. Der i frå til Dokka og ned ranen til vassverket igjen.
I dag trur eg det er første gongen eg har sett svart hoggorm. Ikkje heilt vanleg etter det eg les. Men han var så rask i vendinga at eg ikkje fekk bilde av han.
Elles var det ein god del sauer som var trekte ned i lia mot grinda. Dei drøsa i skuggen. Så menneskevane at dei knapt løfta hovudet....
Knall nordavèr. Vindstille til og med på toppane. Og sola heta godt i bakkane. Fantastisk flott til å vere sist i august.
 |
| Ryggen på Markahengenipa |
 |
| Mot Nipebu |
 |
| Mot Stordalen |
 |
| Kjende fjell i aust |
 |
| Mot Skorvemarka |
 |
| ds |
 |
| Krokavatnet (alle mobilfoto) |
Flotte morgonturar på fjelltrimpostane på Blåfjellet og Markahengenipa denne veka. Tørt og fint. Klår luft. Og heller lite vind. Folk har eg ikkje møtt.
 |
| Dagens |
 |
| Yndestad og Toreheia midt i bildet |
 |
| Stavenesodden, Høgeheia, Underset og Mjåseth |
 |
| Askdalen |
I dag var det tid for flaskepant etter sommaren. Med plenty folk på besøk blir det tomgods av. Mest brus då - underteikna drikk jo ikkje noko sterkare...😃 I tillegg tok eg meg ein razzia i kjellaren og fylte opp bilen med sunde utemøblar, ein sundbroten parasoll, målingsboksar og anna rask for levering på gjenvinnings-stasjonen på Olsetvikane. Fint å få ut av kjellaren litt etter kvart. Før det samlar seg heilt opp.
No opnar ikkje stasjonen på Olsetvikane før klokka 12. Så då gjekk eg ein tur på Smørkletten òg etter gamalt. Eg har ikkje vore der sidan i mai. Av grunnar dei næraste kjenner til... Veldig kjekt å vere i stand til å gå desse fjellturane igjen no. Ikkje minst å sjå heim igjen som på første bildet.
 |
| Yndestadhøgeheia, Mangevatna, Krikavatnet, Blåfjellet og Skylefjellet |
 |
| Stongfjorden |
 |
| Yndestadhøgeheia t.v. |
 |
| Krikavatnet |
 |
| Krikavatnet og Toreheia bakerst (alle foto gamal mobil) |
Med Odd og Ellen på besøk, gjekk vi i dag "den vanlege" turen heime i frå til Skylefjellet og Blåfjellet. I behageleg tempo. Pausar og matykt. Tørt og fint i lendet. Og sol frå skyfri himmel. En ørliten nordatrekk på toppane, men nesten ikkje til å nemnast. Veldig kjekk og sosial tur!
 |
| Kanontårnet på Fjell Festning |
Vedlagt link viser ein del foto eg tok på tur til Bergen. Nokre mobilbilder frå Bryggen, og andre frå tur på Sotra. Mellom anna til imponerande Fjell Festning, Telavåg og Glesvær. Veldig kjekt. Og vèret var på vår side.
Takk til Marie og Øyvind, Torbjørn og Ingrid Anita som hysa oss nokre dagar.
Bergen, Fjell Festning, Glesvær 150821-200821
Veldig gode nyheite på helsefronten i går. Vi kan heise flagget og kose oss i Bergen.
 |
| Fjærland i dag |
 |
| Mundal hotell under oppussing |
 |
| Olaug og Øtzi |
 |
| Stilt i Fjærland i dag |
Absolutt verdt å ta turen til Fjærland i dag og eit besøk på Norsk Bremuseum og Den norske bokbyen. Fjærland er kanskje ein plass ein til vanleg berre køyrer forbi på veg til Sogndal og austover. Men dei nemnde attraksjonane, og den flotte bygda, er som sagt god grunn til å besøke. Stilt og fredeleg er her. Nydeleg ligg husa og nausta ved fjorden. Omkransa av bratte og flotte fjell. Ein og annan utanlandsk turist var å sjå. Og litt fleire oppe ved bremuseet.
Ved bremuseet såg folk ut til å ha veldig god tid. For informasjonen som var plassert ut på lerret og skjerm var både god og grundig. Og spesielt panorama filmen over Jostedalsbreen på Europas største saumlause lerret var fantastisk. Ja, i ny kinosal! Heilt utruleg bra! Informasjonen som vart gitt kunne vel heller ikkje vore meir aktuell sett på bakgrunn av klimarapporten til FN hin dagen...
Etter kaffi, pizza og kake bar turen vidare til Balestrand. Ein og annan turist her òg. Fint å spasere rundt mellom dei flotte husa og hagane. Og ein god middag på ein liten uterestaurant på kaia. Veldig bra.
Turen heim att gjekk så via Høyanger, Vadheim, Sande, Dale og heim. Ein liten rundtur i Sogn. For som Olaug sa på veg heim - jammen er Sognefjorden flott (altså ikkje berre Dalsfjorden (eller Stongfjorden))...😃
 |
| Som far så sønn |
 |
| Frå ruta på framsida av Markahengenipa |
Mandag var det tur på Solsidevegen. Og i går måling av hus. Men i dag, onsdag, vart eg med Peter på Markahengenipa. Runde for hans del. Vi gjekk opp framsida, og ned igjen den merka delen langs ryggen.. Og deretter Nipebu-ruta til Markavatnet igjen.
Vi tok igjen ein tysk familie ovanfor ura. Og gjekk på dei same etter at vi hadde vore på toppen og kom ned igjen den andre vegen. Som feriegjestar hadde dei vel bra tid... Ikkje nok med det - vi traff ein tyske herremann lenger nede òg! Men ikkje ein einaste nordmann...
Elles fint og tørt. Greitt opp dei tørre berga på framsida i dag. Og far som sønn vèl nøgde.
 |
| Krikavatnet |
 |
| Toreheia mot Florø |
 |
| Ytrevågefjellet med Toreheia bak |
 |
| Vågane og Flokeneset |
 |
| Osland (alle foto gamal mobil...) |
I dag tidleg gjekk eg igjen ruta over Toreheia og Ytrevågefjellet. Men motsett veg frå hin dagen med start heime i frå. Delvis skya og fin sommartemperatur. Veldig tørt oppe i fjellet no. Elvane inntørka. Men framleis bra beite for sauene. Dei går spreidd over heile området frå Mangevatna og Krikavatna til Toreheia og Ytrevågefjellet. Både på nord og sørsida. Dei såg ut til å trivast godt høgt til fjells.
Elles var Olaug grei og henta meg i Vågane, så eg slapp å gå asfalten heim igjen. Flott tur!
 |
| Start i Rivedal |
 |
| ved Ingolfr Arnarson statua |
 |
| Primus motor for arrangementet Alice Vie, Martha Kleiven og Leonora Kleiven |
 |
| Vinnarane i dame og herreklassen |
 |
| Gutestafettlaget |
 |
| Dagens |
