 |
| Dagens Alden og Heggøyna |
 |
| Utsikt mot øyriket ved Florø i nord |
 |
| Saltskåren |
 |
| Her ser vi ned i Saltskåren frå toppen i nord |
 |
| Godt selskap på Størdalsstauren i dag |
 |
| Haustfargar og gråvèr |
 |
| Ein kik heim igjen til Yndestad og Stongfjorden |
 |
| Dagens på Bakkefjellet |
Nydeleg morgonstund på Bakkefjellet i dag. Frost på bakken. Og knall sol! På toppen klokka 10.30. Ja, eg var veldig heldig som kunne nyte desse par timane med fantastisk klår luft og solskin. For då eg var nesten komen ned igjen til vassverket forsvann sola i eit tjukt skylag! Og der vart ho...
Frå videoen og bilda kan ein elles sjå at det låg skodde både over Dalsfjorden og Flekkefjorden. Elles var det som nemnt frost på gras og steinar oppover. Ikkje verre enn at det gjekk heilt greitt. Med Scarpa sko vel og merke. No framover trengst det gode sko med godt mønster. (Det gjer det forsåvidt elles i året òg, men no ekstra viktig). Og eg hadde faktisk sikra meg med broddar i sekken òg. Alltid greitt at dei ligg der om forholda skulle tilseie bruk.
Som nemnt før er det god sti og godt merka frå vassverket i Holmedal til Bakkefjellet. Ingen grunn til å gå seg vekk om du vil prøve fjellet for første gong.
 |
| Furefjellet i dag |
 |
| Eit gløtt av sol i Granesundet I dag skifta eg ut Hoka "skøytene" mine med Scarpa "rødt klister" og gjekk morgonturen på Furefjellet Ja, slik kjendest det ut i samanlikning med turen på Blåfjellet på søndag. Då eg låg flat ned bakkane. Så i dag var festet upåklageleg. Elles var det vått og blautt ut på toppen som før. Ned igjen litt regn. Det blir nok meir Scarpa enn Hoka framover ja. For dei som ikkje har vore opp her ute på Staveneset, er Furefjellet ein lett og grei tur opp frå Holevika. Det er skilta Høgeheia. Men lenger oppe Furefjellet der du tek av vestover ved den vesle granskogen. |
 |
| Ingvar, meg og Olaug på Blåfjellet i dag |
 |
| F.v. Eggene, Hjartåsen og Steinheia bak f.v. Furefjellet og Høgeheia |
 |
| Sauesundet og Atløynipa |
 |
| Vi ser mot Ringstad, Kyllaren og Stråmen |
 |
| Dagens selfi |
 |
| Skyer og skodde over Atløy og Alden i dag tideg |
 |
| Sauesundet |
 |
| Askvoll |
 |
| Øvre Fossedal i novemeber |
Så er allereie november like om hjørnet. Ein fin månad i fjellet om vèret lagar seg.Vedlagt ligg arkivbilder frå denne månaden òg. God Helg!
 |
| Rebni |
 |
| Rebnisli |
 |
| Skjolden frå stigninga til Rebni |
Sidan vi er på besøk i Skjolden i helga gjekk eg meg ein morgontur til Rebni og Rebnesli i dag. Det er ein fin og passelig tur opp hit frå Skjolden. Trimposten ligg på 580 moh.
Det var berre 4 grader på morgonen, overskya og vindstille. Stien opp går for det meste på smal traktorveg.
Frå Rebni er det fin utsikt mot Skjolden og heilt ut mot Molden. Kjekk trimtur opp hit på ca 2,5 timar.
 |
| Ved Ormeli |
 |
| Fjellgarden Ormeli |
 |
| Flott utsikt mot Dale og Flekke - Rivedal nederst |
 |
| Dagens selfie - Atløynipa og Dokka i bakgrunnen |
 |
| Straumsnes og Holmedal |
 |
| Ingebrigt, Roy, Arnljot, Vilde og Arvid |
 |
| Rett vest av Høgeheia med utsikt til Atløy og Alden |
 |
| På veg ned i Holevika Eg vart med Roy og gjengen på sauesanking i Høgeheia traktene i dag. Vi starta frå Holevika i dag tidleg og gjekk der i frå opp bakkane til Høgeheia. Her delte vi oss litt strategisk til sidan vi visste at sauene gjekk i dalsøkka aust om toppen. Og for å møte dei slik at vi fekk dei på "kjøl" retning stien ned igjen i Holevika. Eg sjølv gjekk med Roy og Arvid B. med hundane sine. Etter litt fekk Arvid samla dei. Sauene tok nordsida av Høgeheia som vist på bilde 2. Sjølvsagt gjekk det fleire timar og litt att og fram før vi fekk sauene ned i innhegninga i Holevika. Men alt i alt gjekk det veldig bra. Så no gjenstår det å plukke ut vèrlamma og elles det som skal gå til slakt. Resten reknar eg med skal opp igjen sidan dei går ute heile året. Flott og sosial tur! Kjekt å kunne bidra med noko nyttig, og få fjellturen som bonus. Takk for laget! Foto Sauesanking Høgeheia 181026 |
 |
| Dagens |
 |
| Sola stakk gjennom i dag - her utsikt mot Granesundet i Askvoll - Atløy t.h. |
 |
| Dagens Alden og Heggøy |
Ja, det skal noko til å kome seg til fjells og heim att tørrskodd om dagen. Søkkblautt over alt! Og Furefjellet som eg var oppom i dag tidleg er ikkje noko unnatak. Gjennomvått, gjørme og sleipt underlag. Vel, vel bra og ha ei god vaskemaskin.
Dette set sjølvsagt krav til gode sko frametter. For det tørkar ikkje opp no før det kjem frost. Og halvhøge sko (i det minste) er eit must. Elles er det fornuftig med gamasjar! Ja, med noko anna på føtene blir ein søkk våt og gjørmete nede i skoa. Joggesko kan ein berre gløyme.
Eg kom meg tørrskodd heim igjen i dag òg. Men dei beste og nyaste skoa måtte til. Elles var det faktisk opplett og delvis sol på turen. 8-10 grader og lett bris. Fin trim!
 |
| Dagens |
I dag gjekk turen frå Vågane ved dei gamle gruvegangane og opp bakkane til Ytrevågefjellet. Her har det lege ute ei fjelltrimbok siste året. Denne posten gjekk ut i går og er at dei som er erstatta med nye. Dei ser du her. Så storsekken måtte til for å få metallboksen og boka med ned igjen. Det er Dag Tore Mjåseth og John Lien som tek seg av "rekneskapet" for fjelltrimmen.
Det var ganske surt oppover i dag tidleg. Og undervegs fekk eg på meg regn. I tillegg til ein frisk bris vart det kaldt. Så på toppen fekk eg skifta på meg tørre klede. Og fram bar det med god vindtett hue og hanskar. Nokre fotoshot med mobilen så gjekk eg ned igjen same vegen. Fint kva som er gjort ein mandagsmorgon 😃
 |
| Traff dette blide turfølget på veg til Furefjellet i dag tidleg f.v. Mona Rørvik, Åse Rivedal Solheim, Magni Rivedal og Johan Nordvik Eg køyrde i Holevika i dag tidleg for ein sesongopning av fjelltrimmen på Furefjellet. I delvis skya vèr, lett bris og 8 grader. Godt haustvèr med andre ord. Og det vart ein fin og grei tur opp på posten. Men det kan vere greitt å merke seg at det er ganske blautt i partiet utover frå skiltet ved vegskiftet mot Høgeheia. Her bør ein ha høge sko. Noko von om at det tørkar opp er vel lita. Noko overraskande var det at eg traff ein kar frå Ukraina då eg nådde toppen. Kanskje ikkje nett det eg hadde tenkt meg. Veldig bra! Og på veg ned igjen mot Holevika fekk eg meg ein prat med det kjekke turfølget som vist ovanfor. På parkeringsplassen var det endå fleire som skulle på tur. Supert! Det er elles utruleg bra at ein har fått opparbeidd skikkeleg parkering her ute. Det var det stor trong for. Applaus til kommunen og Arve Åsnes som har fått dette til 👋 Då får vi håpe og tru at den nye fjelltrimsesongen ber frukter. Og at mange hiv seg på. Flott åpning i dag. |
 |
| Størdalsstauren i soloppgang i dag tidleg - foto frå Mjåseth |
 |
| Eg ser heim att til raudehuset vårt midt i bildet |
 |
| Dagens selfie på Størdalsstauren I dag tidleg var eg ut til Dag Tore Mjåseth og henta ny fjelltrimbok og metallboks som skulle utplasserast oppe på Størdalsstauren. Registreringane for den nye 26/27 sesongen startar 11.oktober. Dag Tore hadde sett opp merkepinnar for nokre dagar sidan. 2.oktober vart elles boka på Furefjellet lagt ut. Begge desse fjella er nærast for heimebane å rekna for oss i Stongfjorden. Frå sofakroken ser eg så fint over fjorden og opp på Størdalsstauren. Eg har jo gått ein god del på Størdalsstauren opp gjennom åra. Spesielt når fjellet kvart sjuande år har vore fjelltrimpost. Men det er vel ikkje til å underslå at dei bratte bakkane rett opp frå fjorden gjekk adskilleg lettare før i tida enn i dag (vel, ok er er litt forkjøla då 😅). Det var nemleg eit blodslit opp dei gjennomvåte bakkane. På slutten oppe på dei humpete terrenget vestover mot toppen gjekk det litt lettare då eg fekk sola i ansiktet 😎. Utsikta frå Størdalsstauren er nydeleg (sjå video under frå i dag og samleserie). M.a. sørvestover til Jamneheiane, vestover til Alden, Hovden på Atløy og Heggøyna. Vidare Staveneset og Høgeheia. Inn Stongfjorden, heim til Yndestad og inn til sentrum. Osland ser ein i nordaust. Og mot søraust ser ein nordsida av Moldura. Elles er det fin utsikt over mot Toreheia i nord og øyriket i Florø. Berre for å nemne litt. No får vi håpa at mange hiv seg på den nye fjelltrimsesongen. Denne forma for fysisk og psykisk fostring er absolutt å anbefale å bli med på. God tur! |
 |
| Dagens selfi i havbrisen....😎 |
 |
| Furefjellet ligg ytst på Stavenesodden med utsikt til m.a. Alden og Heggøyna |
 |
| ...og Granesundet i sør. Vi ser Askvolfjella t.v. og Atløy t.h. |
 |
| Her er gjengen på Montserrat. Det kom tre, fire etter at bildet var teke. Vi var ein super gjeng denne veka. Tusen takk for turen. Den gav meirsmak! |
 |
| Her er vi alle samla minus 1 person På Costa Brava og eit stykke før Callela de Palafrugell |
 |
| Soloppgang som speglar seg i Krokavatnet. Vi ser Eitrenipa, Nordre og Søndre Kringla. |
