Some secrecy

Eg held korta litt tett til brystet når det gjeld gårsdagen. Resultatet ser de ovanfor. Stad og utstyr får ligge i denne omgang. Men det finst faktisk vatn i kommunen der det endå er brukbar fisk. Desse er det diverre ikkje mange igjen av. Dei fleste har alt for mykje fisk. Og skulle vore utfiska. Som fiskevatn er dessutan fleire vatn øydelagde grunna kraftutbygging. 

Ytrevågefjellet i dag

Elles har eg teke turen oppom fjelltrimposten på Ytrevågefjellet ein del i det siste. Også i dag. Fin trimtur for å halde meg i form. Diverre er det litt for sjeldan å sjå folk her oppe. No står namnet mitt tre gonger etter ein annan i boka. Litt rart. Men det er gjerne andre postar på fjelltrimmen som er meir besøkte. Elles er jo TiTur Dalsfjorden i gong. Dei postane tek kanskje litt folk frå den vanlege fjelltrimmen. Vel - uansett - det viktigaste er at folk kjem seg ut og i aktivitet. Fjell og turmål har vi rikeleg av.