tirsdag 20. oktober 2020

Oppsummering TiTur Dalsfjorden 2020

Nykshytta 18.mai


Brendeheiknappen 12.mai

Eggene 11.mai

Eikenesstølen 15.mai

Jøtelshaugen 23.mai

Rivedalsstølen 8.juni

Skylefjellet 29.mai

Storåsen 24.mai

Svenova 24.mai

Sylvsteinsheia 2.juni

Vidsyn 2.juni

TiTur Dalsfjorden 2020 var slutt 1.oktober. I det høve ser ein at følgjande oppsummering er lagt ut på Fjaler Kommune si heimesida. Det er berre å gratulere Fjaler Kommune, Askvoll Kommune, Indre Sunnfjord Turlag og turgruppene i kommunane for eit flott gjennomført helsemessig tiltak. Med ny rekord deltakarar ser ein at initativet er både framtidsretta og godt motteke. Vi ser alle fram til at TiTur Dalsfjorden 2021 startar 1.mai neste år. Lukke til med planlegging, tilrettelegging og merking.

Følgjande var postar i år

P.S. Eikenesstølen vart bytta ut med Rivedalsstølen grunna parkeringstilhøva.



mandag 19. oktober 2020

Rundtur i austerlei og heime


Søndagsmorgon - det gryr av dag over Hamar

Her budde vi...

Tone, Olaug og Sillan

Flott i Hamar
Tone, Sillan, Bergljot

Hamar domkirke

I helga var vi i barnedåp på Hamar. Yngste jenta eg er onkel til, Ylva Cornelia vart døypt i Hamar domkirke. Ho er andre barnet til Øystein Olav, yngste bror min, og Caroline Miriam. Vi var heile familien samla. Overnatting i eit digert hus som stiftesen Via Somnii disponerer. Det var veldig kjekt! Trass i alle korona tiltak. Både dåpen, arrangement, bilder o.a. høyrer til det meir private og blir ikkje kommentert eller lagt ut her. 

Etter ca 15 timar i bil i helga, var det godt å få seg ei runde i fjella i Askvoll. Så i høve med litt handel køyrde eg ned der, og tok den vanlege ruta opp Askdalen. I dag motsett runde i høve hi veka. Først på Fristadfjellet, deretter Kultingane og så Smørkletten. Sistnemnde nyleg lagt ut som ny fjelltrimpost. 



Det var frose på. Både på vasspyttar og elles. Men dei nye Lowa skoa er veldig bra. Vèret skya, men blikkstilt. I trimboka på Smørkletten var det allereie skrive ut fleire sider. Veldig bra! Returen gjekk ned den vanlege ruta i dalen. 




torsdag 15. oktober 2020

Mission Completed (7 siste del)

Fantastisk utsikt frå Markahengenipa -
her mot Stordalen

Skjerlia, Mandelia og Hatlelia ved Markavatnet

Yess, så var stålboksen frå Indrevågefjellet flytta til Markahengenipa. Og då var alle oppdraga på lappen min i høve merking/bøker o.a. fullført for fjelltrimmen 2020/2021. Kjekt å få vere med på den praktiske tilrettelegginga på dei nye toppane. Her finn du Fotoseriar og ruter.   

Og for ein start! Boka på Markahengenipa hadde allereie fått 25 namn i dag tidleg! 18 hadde vore oppom Blåfjellet i går morgon. Og etter kva eg erfarer er det minst 20 namn i boka på Kalderasnipa.... Det må jo seiast å vere veldig bra berre 4 dagar inn i årets sesong. Sjølvsagt har det noko med vèret å gjere - for det har vore vanvittig flott, men det fortel òg at fjelltrimmen blir sett pris på av mange. Difor er det jo sjølvsagt også veldig kjekt å vere med på det praktiske arbeidet. 

Morgonsol over Markahengenipa t.h. 
Mange kjende fjell i synsranda.

Skjerlia, Mandelia, Hatlelia

Turen i dag var som mange av dei andre i det siste - heilt fabelaktig! I det fantastiske vèret, og i dei stille morgonstundene vi no har hatt, er det vanskeleg å rangere den og den turen... Det er vel ikkje meininga heller. Og kanskje er det alltid den siste turen som er best? Uansett var det utruleg å få oppleve Markahengenipa i dag tidleg. Soloppgangen ved Fossedalshengenipa. Og dei første raude solstrålane over det eineståande landskapet i vest! Over alle dei kjende fjella. Og ikkje minst sjå dei flotte gardane i Skorvemarka. Sett både ovanfrå og ved vatnet. Ein kan bli reint matt og religiøs i slike stunder.... Så ja - det vart nokre bilder i dag òg. Bilder fortel nok ikkje alt... Kanskje meir enn ord. Men stunda der og då, åleine, i all denne flott naturen, den må berre opplevast sjølv. Difor må ein berre vere så inderleg glad så lenge ein har helse til det.

Foto Markahengenipa 151020

onsdag 14. oktober 2020

Prosjekt stålkassar og trimbøker (5 og 6)

Soloppgang ved Skålefjellet i dag.
Foto frå Rinda.

Frå Skylefjells-ruta til Blåfjellet

Mangevatna i dag tidleg

d.s. Blåfjellet t.v. Skylefjellet t.h.

To turar i dag. 

Tidleg morgontur til Blåfjellet i Grimelia med stålboksen som vart henta ned frå Størdalsstauren i går. Som overnatta på Yndestad i natt. Fantastisk soloppgang ved Rinda, Svartevatnet og Mangevatna. Blikkstille vatn. Det glitra i gull! Dei flottaste fargar i blått og brunt. Ein fantastisk kombinasjon. 

No vart det med opp og ned på Blåfjellet i dag. Eg hadde nemleg ein tur til i tankane. Stålboksen og trimboka på Indrevågefjellet. Den gamle boka måtte ned. Og stålboksen må til Markahengenipa. Til den nye trimposten. I morgon. For på fredag ber det austover i barnedåp og 3 årsdag... Og pause frå trimbøker og heimefjell....😄 

Som tenkt så gjort. Ei skive og ein kopp kaffi heime. Så til Indrevågefjellet på nytt oppdrag. Rett opp og ned. Og ny overnattingsgjest i natt. Som skal til Markahengenipa i morgon....😎 

Indrevågefjellet i dag

Panorama Indrevågefjellet

Vindturbinane på Guleslettene - over 33 kilometer unna...


Før soloppgang ved Rinda

tirsdag 13. oktober 2020

Prosjekt stålkassar og trimbøker (3 eller 4)

Oppe i sola etter ein opptur i skugge
 
Utsikt frå Størdalsstauren 

Fin utsikt heim igjen... (mobilbilder)

Så er stålkassen og den gamle trimboka på Størdalsstauren òg henta ned. Boksen skal ut på Blåfjellet i Grimelia. Men sidan eg fekk 2 mål ved på tunet i dag (som no er kome i vedakjellaren) lyt boksen overnatte på Yndestad. Den nye trimboka klarar seg nok fint ein dag til i godvèret. Utan stålhus 😊. Ja, for det er nesten ikkje måte på kor flotte dagar vi har. 

Sola er no vekke mesteparten av dagen på sørsida av fjorden. Så ruta frå Neset på Størdalsstauren ligg no i skugge. Likevel - du verda kor fint det er å kome opp i sola når du først har gått opp i skuggen. Ein psykologisk boost! Og ikkje minst å kunne nyte synet heim igjen. Til solsida 😎 

Størdalsstauren er kanskje ikkje favoritten til så mange. Men utsikta til Yndestad og Stavenesodden er uslåeleg!

Bildefilm Størdalsstauren:

mandag 12. oktober 2020

Prosjekt stålkassar og trimbøker

 

Sett frå Stordalen - Markahengenipa midt i bildet
ny fjelltrimpost frå 11.10


Smørskornova, Røyrbotnholten, Skålefjellet, Toreheia og Ytrevågefjellet

I dag gjekk oppdraget ut på å flytte stålkassen som trimboka låg i på Stordalsfjellet til Vardenova. Og ta med den gamle boka heim. Så då gjekk turen til Rivedal i dag tidleg. 

Det er jo ein del lenger å gå denne turen frå Rivedal enn frå Osland. Og sjølvsagt litt kjedeleg å gå nesten same ruta fram og tilbake. Men må ein så må ein....😜

Elles har Dag Tore merka veldig bra til Vardenova frå Rivedal. Ein del av ruta er som før nemnt den same som går til Røyrbotnholten. Du kjem opp i DNT ruta til Nipebu frå Stongfjorden, og føl denne opp i skaret på austsida, der ein tek av til toppen. Eg gjekk deler av desse trassèane i dag. Og ein mellomting på austsida av Vardenova før eg kryssa ned øvst i Stordalen. Deretter eit stykke ned Stordalen til vestsida av Stordalsfjellet, og så opp eit dalsøkk mot nord, og til toppen (sjå gps data). Det er fantastisk flott utsikt mot aust her øvst i Stordalen. Eit perleområde! - sjå foto under. 

Panorama Stordalen
Portafjellet og Stordalsfjellet t.v.

Etter å ha teke nokre bilder på Stordalsfjellet, og ein video som vist under, gjekk så turen tilbake omlag same vegen. Denne gongen opp på toppen av Vardenova med stålboksen i sekken. 

Både på turen inn til Stordalsfjellet og ut att til Vardenova fekk eg god sikt til geitene til Gunnar Osland. Ein heil flott gjekk rett vest under Portafjellet. Eg fekk gitt beskjed om desse. Slike ekstraoppdrag blir alltid sett pris på. 

Geiter midt i bildet

På Vardenova er det elles kjempeflott utsikt i alle retningar. Så òg i dag i det flotte veret. 

Panorama Vardenova

No er både toppskiltet, trimboka og stålkassen til å ha boka i på plass. Kassen er viktig for å halde boka tørr. Det er jo veldig vèrhardt i fjella her ute på kysten. 

Alt på stell på Vardenova

Returen ned att gjekk i skåra på framsida av fjellet. Her er det luftig. Og ikkje merka for fjelltrimmen. Likevel er det varda slik at ein finn rette plassen ned. For her er berre ein plass ned. Resten av fjellet er stupbratt. Denne skåra er ikkje å anbefale vinterstid....😱 

Luftig ned på framsida av Vardenova



Etter å ha kome ned igjen i dalen der DNT-løypa går, gjekk så turen til Rivedal igjen frå sørsida av Røyrbotnholten. Flott tur på 4,5 timar.

På veg ned igjen til Rivedal t.v.
Rivedalskletten mot høgre.
Straumsnes og Rivedalsstølane t.h.


 Datoen eg påstår i videoen i dag er nok feil....😔

Foto Rivedal Stordalsfjellet Vardenova 12.10.20 

Fram og tilbake....
frå Rivedal - då stålboksen vart flytta frå Stordalsfjellet til Vardenova og trimboka teken med til bygds igjen...

søndag 11. oktober 2020

Familierunde


Gjengen på Bakkefjellet i dag
f.v. Miriam, Marie, Tiril, Øyvind, Olina, Tora, Olaug, meg og Håvard









Dei fekk seg ei runde på fjelltrimmen både liten og stor då vi avslutta 2019/2020 sesongen i dag. I eit nydeleg haustvèr var det siste dag for registrering på dei utgåande postane. Og kva betre var vel å avslutte denne på Bakkefjellet i Holmedal. 

I den solvarme bakken på sørsida av toppen kosa vi oss med kaffi, lefser og mykje anna. I lang tid. Flotte Bakkefjellet med si nydelege utsikt over Dalsfjorden og bygdelaga ikring. No er det 7 år til fjellet står på programmet igjen. Men fjella treng ikkje akkurat stå på noko fjelltrim-program for å nytast. Slik sett ligg no Bakkefjellet der for evig og alltid.... 




Fjelltrimtoppar 2020/2021

Frå alternativ rute til Blåfjellet i Grimelia frå Yndestad. "Skylefjellsruta".

Denne ruta går over "Dei tre bukkane Bruse" på sørvestsida av Mangevatna...

...her
Toreheia i bakgrunnen

 

Du føl ruta til Røyrbotnholten. Men tek austover DNT-ruta til Nipebu når du kjem opp under toppen, og vidare aust forbi vatnet. Deretter opp det bratte skaret på framsida. Ruta er merka.

Turbeskrivelse Blåfjellet i Grimelia

Her kan du òg gå mesteparten av stien til Skylefjellet frå Yndestad. Gå ut sørvestsida av Mangevatna. Her er varda mot vest. 

Turbeskrivelse Smørkletten/Steinheia 

Turbeskrivelse Markahengenipa 

Til Kalderasnipa kjem du ved å følgje stien til Dokka om Nyksvatnet. 

Det er skilta ovanfor vatnet. Sjå òg her.

Turbeskrivelse Blegja

Kart