Blodtørstige beist

 

Blegja og Eitrenipa frå Leknesvatna i vest - brua over vatna midt i bildet

Frå venstre mot høgre ser vi her deler av ruta over Eitrenipa, N&S Kringla med retur austsida av Krokavatnet

14/6-14 gjekk eg igjen den flotte rundturen frå Skorvemarka og via Leknesvatna til Eitrenipa. Deretter sør til Nordre og Søndre Kringla. Retur via aust om Øvre Fossedalen og austsida av Krokavatna til Skorvemarka igjen. Dette var før den nye kraftvegen vart bygd ved Markavatnet. Og før terskelen ved Eitrefossen vart murt opp i høve den nye reguleringa av Leknesvatna (sjå video). 

Terskelen på utløpet av Leknesvatna i dag

Vel, ein vender seg til det meste her i livet. Men utløpet av Leknesvatna og til Eitrefossen var flottare før. Noko genuint er borte. Det naturlege elveutløpet. På ein av dei flottaste plassane i kommunen. 

For oss som går ein del i fjellet er det ikkje berre flåtten som er eit stort problem. Like stort og gjerne verre er hordane av fluger som nærast eksploderer i antal flotte sommarsdagar. Slik og med turen 14/6-14. Du finn turen her med bilder og videoar.

På den gamle diktbloggen eg hadde ein gong i i tida har eg skrive om "Djevelens utsende" -  ganske heftig tittel då....😃