 |
| Dagens God Jul selfie på Moldura |
 |
| Panorama mot sør |
 |
| Noko grått ved Dalsfjorden, Holmedal og Straumsnes i dag |
 |
| Størdalsstauren |
Herleg morgontur på Moldura i dag tidleg. Opp frå Neset såvidt det var gålys. Eg tok ikkje i bruk hovudlykta eg hadde med.
Eg fekk på meg ei regnbyge omlag halvveges, men den gav seg på 10 minutt. Jammen vart eg noko paff då det flaug opp tre snøsporvar oppe ved toppen. Om dei prøver på ei overvintring veit eg ikkje. Det er så mange ting som no endrar seg med klimaet...
Om forholda elles. Litt sigesnø eit lite parti. Men flott og god skare frå ein ca 500 moh. Noko is. Eg gjekk opp utan broddar, men tok dei på oppe på toppen. Det flate partiet her oppe er ofte noko islagt.
Eg tok opp ein video borte på vesttoppen. Diverre vart det mykje susing av vinden, så kommentarane drukna i støy! Returen tok eg som så ofte før via Størdalstauren nede på nordvestsida. Her er det ein trimpost. Super tur!
(mykje susing/kutt lyd)
Foto Moldura Størdalsstauren 221219
Ingen kommentarer:
Legg inn en kommentar