lørdag 14. desember 2019

Eit slit

Størdalsstauren i dag tidleg

Skålefjellet t.v, Moldura t.h.

Størdalsstauren


Eg måtte melde pass på veg til Moldura i dag tidleg. Oppe i Langedalen. Nok fekk vere nok. I dei bratte bakkane med sigesnø, og tildels skare på som ikkje heldt tyngda mi, vart det frykteleg tungt. Mogeleg dagsforma ikkje vart heilt på topp heller. Og når det så bles ein god søraust kuling, som ikkje akkurat var av det varme slaget, var det ikkje noko stas å halde fram. (På Moldura har eg no vore mange nok gonger frå før...). Nei, i staden greidde eg å kare meg vest til trimposten på Størdalsstauren. Ikkje det at det bles noko mindre her ute, snarare tvert i mot, men det vart monaleg meir kupert å gå vestover enn oppover. Det var no elles for gale å berre snu og gå ned att same vegen òg - utan å ha noko å vise for seg.... 😊 Men neste gong trur eg trugane får bli med...

Vel, vel det er ikkje alltid ein når den toppen ein hadde tenkt. Men då gjer det no godt med ein annan. Alt er jo relativt her i livet... Anten det er no so eller so. 


Ingen kommentarer: