Skare-tur

Delvis sol på Fossedalshengenipa i dag

Oppe ved toppen

Klassisk utsikt frå ruta til Fossedalshengenipa og Nipebu

Ruta går opp lia ovanfor Krokavatnet

Starten på ryggen opp

Markahengenipa

Fossedalsvatnet i midten

Klassisk 

Nipebu t.v.

Flott morgontur på Fossedalshengenipa frå Markavatnet i dag. Med minusgrader i natt var det frose på. Perfekt med trugar oppover, men opp sjølve ryggen brukte eg broddar. Her var det såpass hard skare at eg slapp trugane. Det er jo lettare å gå med broddar enn trugar må vite.. Og då spesielt i bratt lende. 

Elles var veret delvis skya med litt sol no og då. Og bilda fortel vel sitt. Spesielt kjekt å registrere nokre næringssøkande snøsporvar nede i ei skjering ved hovudvegen då eg kom ned att. Her hadde sola smelta all snø... Nydeleg tur!

Foto Fossedalsheengenipa160320

Praktfulle fjellet "mitt"

Toreheia i dag

Ruta langs ryggen ned frå Toreheia mot Skylefjellet går frå høgre mot venstre 

Sola skin undervegs 

Med trugar ved Krikavatnet

Vadet ved Krikavatna

Motiv under toppen mot Yndestadhøgeheia

 

Skylefjellet t.h.

Ved toppen på Toreheia

obs vindstøy

Etter ei solid snøbyge med fullstendig whiteout undervegs, og der tanken om å snu slo meg, heldt eg likevel fram og fekk ei praktfull sol på toppen av Toreheia i dag. Ja, sola heldt seg faktisk framme ein god halvtime eller så - nok til at eg nådde vest til Skylefjellet før neste nordabyge sette inn. Så i dag var eg heldig. Andre gonger er det som eg har nemnt før hin vegen. Her må ein ta det som det kjem - det viktigaste er å vere budd på skiftande vèr. 

Returen frå Skylefjellet
ved Mangevatna

I dag brukte eg dei nye trugane eg har kjøpt. På omlag halve turen. Dei er av same typen som eg hadde frå før. Med litt endra feste og noko lettare. Så spørst det om dei held like lenge som dei gamleTubbs Mountaineer 30 eg har hatt. Dei har vore veldig haldbare iallefall. 

Flott tur!

Foto Toreheia Skylefjellet 130320

Merkeleg samantreff

Frå ruta mellom Høgeheia til Furefjellet t.h.

Sola møtte meg på Høgeheia

Dagens selfie

Fin og luftig trimtur på Høgeheia igjen i dag tidleg. Bra vèr. Litt vind. Og eg fekk sjå sola. Temmeleg flaks sidan regnet slo inn då eg kom heim igjen. Som kanskje sagt til det kjedsommelege - some you win and some you lose. 

Ja det var såpass bra at eg tok turen ut om Furefjellet òg før eg returnerte til Holevika. Men så mykje liv er det ikkje å sjå - Sjå måtte eg likevel to gonger då eg kom heim - og såg bildet nedanfor av Holevika - tek kl 11.03 11/3...😲 

Merkeleg samantreff - Holevika klokka 11.03 - 11.03
(eg måtte gni meg i auga)

TiTur Dalsfjorden 2020

Ved Mangevatna -
ruta til Skylefjellet og posten på TiTur Dalsfjorden 2020 går på langs midt i bildet.
Opning 10. mai.
Bakerst i bildet ligg Toreheia

Frå ruta til Skylefjellet

Som nemnt i blogginnlegget mitt datert 21. desember blir det lagt ut følgjande postar på TiTur Dalsfjorden 2020 på nordsida av fjorden - Brendeheiknappen, Eggene (Siktanuten), Skylefjellet, Nykshytta og Eikenesstølen. Etter kva ein erfarer skal no postane på Fjaler-sida òg vere i boks. Det er Vidsyn (dagsturhytta), Sylvsteinsheia, Storåsen, Jyttelshogjen og Svenova. Alle postane skal vere klare til opninga 10. mai. Inkludert merking og bøker i kassane. Du kan dessutan laste ned og bruke DNT-appen "Sjekk ut" for registrering, GPS og kart. Info blir vel lagt ut på kommunane sine infosider som før. Dessutan på ut.no som her. Eg kjem tilbake med meir info på bloggen når "alt har gått seg til". Det er jo to månader til enno. Sjølv er eg mindre kjend med rutene til eit par av postane på sørsida av fjorden. 

Same månaden som TiTur Dalsfjorden 2020 opnar, er det forøvrig 5 år sidan turstien Otterstein-Fossevikja opna. Den offisielle datoen var 31.mai (blogg med bilder og video). Mitt forslag er at dette burde vore markert. Kanskje i høve posten på Brendeheiknappen i Fossedalen? Turstien er mykje nytta. og er eit godt eksempel på eit folkemessig godt helsetiltak.

Snøfritt

"But I know somewhere the ship comes in every day"



When the willow bends towards the end of day
And twilight falls again
To the funny sound that a blackbird makes
Twilight falls again
As no good reason remains, I'll do the same
Thinking of you
One day a ship comes in, one day a ship comes in
But I can't say how or when
But I know somewhere the ship comes in every day
There is no morphine, I'm only sleeping
There is no crime to dreams like this
And if you could take something with you
It would be right
Something good
From my fingertips, the cigarette throws ashes to the ground
I'd stop and talk to the girls who work this street, but I got business farther down
Like one long season of rain, I will remain
Thinking of you
One day a ship comes in
From far away a ship comes in
One hundred days you wait for it
And you know somewhere the ship comes in every day
There is no morphine, I'm only sleeping
There is no crime to dreams like this
And if you could take something with you
It would be bright
Just like something good
One day a ship comes in
One hundred days you wait for it
Something bright
Something so good
One hundred days
A ship comes in every day
You know it's good
You know it's good
A ship comes in every day
One day a ship comes in
Its good
When it's something good

Kilde: LyricFind

Låtskrivere: Mark Lanegan

Snøfritt og flott på morgonturen på Høgeheia i dag. Men noko vått etter alt regnet. I går var Solsidevegen så våt som aldri før. Elvar overalt som hadde greve seg nye fàr. I dag var det likevel opplett på Staveneneset og Høgeheia. 

Eg ser på nokre kusymre på eit par visse plassar i Holevika. Dei siste dagane var det komne mange nye blad. Krokusen står allereie i blomst på Underset. Ja, reint vår i lufta her ute i havgapet. Herleg!

Tøffe Sillan - guten i røyken

Drikkepause i snøføyka

I bakkane ovanfor Krikavatnet

Tøff vind og snøføyke på Toreheia i dag

Han fekk seg ny sveis i dag, Sillan. Og rouge i kjakane. Men heldt "hodet over vannet" (som kanskje nokon hugsar gjekk eg gjennom isen på Krikavatnet hitt året og vart mint på det). For broderen vart med meg på Toreheia i dag. Heime i frå. Når vinden durar oppe i Yndestadhøgeheia veit eg kva eg går til - og hei kor er det vel friskt og lett opp på fjellet... No måtte han visst innrømme at han hadde snudd om han var åleine. Så det er mogeleg dei lenger inne i fjorden ikkje er så vane med havluft. Den kan nemleg blåse ganske så frisk rundte øyra. I dag så friskt at Sillan bles overende oppe ved toppen. Sjølv kraup eg på alle 4, og fekk teke snutten ovanfor i skjul bak varden. 

Ovanfor Krikavatnet

No var visst Sillan litt nysgjerrig på korleis eg ville beskrive forholda i dag. Ja, samanlikna med tidlegare då han har sett eg har skrive "det bles tøft på toppen". Frå 0 til 10 spurde han. Tja, for ikkje å skuffe, og for å oppretthalde ei viss form for sjølvkjensle, svarte eg 8. Men slik er det vel med alt - det har med erfaring, forhold og terreng å gjere. Alt er lettare når det har vore prøvd før. Også vandring i vinterfjell i havgapet. I så måte fekk nok karen inna i fjorden ein aldri så liten elddåp av forblåste kystfjell i dag😃

Foto Toreheia 070320

Gode trakka spor

Fargerikt på Staveneset
Nedbøren vakar ute i havet...

Morgonsol i Smelværet

Holevika i dag tidleg med sørgåande hurtigrute oppe t.v.

Morgonsol på hyttefeltet på Staveneset

Eg gjekk ein fin og rask morgontur på Høgeheia i dag tidleg. For det meste opplett, men litt søraust trekk. Ja, eg såg faktisk i sola òg... Når det er sagt hadde eg griseflaks ved at eg unngjekk ei saftig regn- og sluddbyge akkurat då eg kom ned igjen til bilen. Som ein ser på bilda så ligg bygene og vakar rett ut for kysten. 

No er det meldt bra vèr til i morgon. Og med lite snø i Holevika, og nytrakka spor oppe i bakkane, er det berre å knyte på seg fjellskoa og ta turen. Du treng verken ski eller trugar. I går var eg forresten ein tur oppom Blåfjellet i Askvoll òg. Gode trakka spor her òg. 

Frå Blåfjellet 5/3 med utsikt til Staveneset og Høgeheia i disen t.h.

Mars-sol

Dokka i dag

Panorama Dalsfjorden

Askvoll

Kalderasnipa og Dokka frå nordvest

Utsikt ved Kalderasnipa 

Straumsnes frå Dokka i tidleg mars-sol

I dag tidleg gjekk eg den flotte ruta opp bakkane frå Eidsfjorden til vestenden av Eidsvatnet, og vidare opp på Kalderasnipene. Deretter sør og opp på Dokka. Endå er det unnasols første delen av ruta opp. Litt bratt, men egentleg veldig fort og greitt å få høgde opp frå fjorden. 

Første delen var snøfri. Og opp den første bratte bakken frå fjorden følgde eg 7 hjortar som eg hadde føre meg. Dei trakka jo bra spor i snøen. Og visste rimelegvis kvar dei skulle gå. Frå Eidsvatnet, då hjortane ikkje ville høgre, men gjekk sørover, nytta eg trugar.  

Morgonsola fekk eg ikkje før eg kom meg på høgde av Kalderasnipene. Frå nordvest. Skikkeleg stimuli. Sjølv om eg var tidleg ute hadde eg sol det meste av vegen her i frå opp på Dokka.  Ja, klokka var ikkje meir enn vel 10. då eg nådde toppen på Dokka i flott sol. Men med litt kald søraust trekk. 

Som alltid har eg litt problem med logistikken ved å gå andre ruter ned igjen enn der eg startar. (Om ikkje eg vèl ein rundtur då). No stod bilen i Eidsfjorden, og sjølv om eg egentleg hadde mest lyst å gå til Holmedal via Nyksvatnet og Nykshytta, var det ikkje så godt å gå heilt til riksvegen i Holmedal frå Vassverket, og deretter kome meg opp att til bilen i Eidsfjorden. Det var jo midt på dag og folk på jobb. Å ta taxi var no litt i drygaste laget... Så då vart det å returnere same vegen. Men ok - det er no tur i det òg... 

   

Foto Eidsfjorden Kalderasnipene Dokka 030320

Etter stormen

I dag kikka sola fram ei stund

  

Askvollfjella, Atløyna, Værlandet, Alden og Stavenesodden

Skylefjellet, Toreheia, Yndestadhøgeheia og Mangevatna

I dag gjekk eg opp her heime på Yndestad, og tok ruta til Skylefjellet, nordsida av Mangevatna og til Blåfjellet. Returen på sørsida av vatna til Rinda og heim igjen. Skylefjellet er frå 15.mai post på TiTur Dalsfjorden denne sesongen. 

I dei sørvende bakkane heime ligg det ein del snø. Men oppe på fjellet har det blese mykje. Og her er det for det meste snaue fjellet med ein del kunstnariske, vindforma snøfonner. Eg nytta trugar eit parti ned igjen, men elles gjekk turen på berre skorna. 

Vindblese oppe ved Skylefjellet

Blåfjellet i Grimelia i dag

No var det relativt kald vind i dag òg. Så eg måtte ta eit klesbyte på Blåfjellet. Då er den gode, gamle dunjakka mi god å dra opp av sekken. Likeeins eit par lag tørr ull og ein tynn, vindtett frakk under. Med den vindtette, godbuksa frå Paramo og stillongs under, er eg budd for det meste. 

Det vart litt tid til fotografering i dag (sjå foto). Eg likar dei fine snøformasjonane etter slikt stormvèr som vi har hatt eit par dagar no.

Vinden har teke godt ved Mangevatna òg.
Stavenesodden og Høgeheia t.v.

Foto Skylefjellet Mangevatna Blåfjellet 010320