I går gjekk eg ruta til Blåfjellet og Eggene i Askvoll. Vått og ein del gjørme. Men jammen vart det litt sol òg. Flott!
I dag tok eg turen frå Vågane og opp til Ytrevågefjellet, vidare til Toreheia og Skylefjellet. Ei rute eg likar veldig godt. Diverre skjemmer vindturbinane på Guleslettene no synsranda nord for Florø. Over 33 kilometer unna! Desse turbinane er 158 meter høge. Kan du tenke deg korleis turbinane på Lutelandet som no blir sette opp vil vise att i Askvoll både frå sentrum og kring om frå fjella? For ikkje å snakke om på Atløyna? Turbinane på Lutelandet er over 180 meter høge og ligg berre 7-8 kilometer unna kommunen... Turbinane vil bli eit skrekkscenario. Ja, mange her i kommunen vil bli tekne på senga!
Elles såg sauene i området ut til å ha det bra. Det gjekk mange på nordsida av Toreheia. Også ved Krikavatna gjekk det fleire. Flott tur igjen!
Ingen kommentarer:
Legg inn en kommentar