 |
| Skylefjellet i dag |
 |
| Ved Mangevatna |
 |
| Øyriket ved Florøkanten med Svanøy fremst |
Etter at helgebesøket var reist, gjekk Olaug og eg den kortreiste turen frå dørgotta heime til Skylefjellet. Det er like fantastisk å kome opp på høgda ved Mangevatna kvar gong. Og gå den slake siste biten til toppen. Utsikta og roa som ein får her oppe er heilt unik. Og spesielt på ein nydeleg oktoberdag. Ja, det er nesten noko religiøst over synet - om eg får lov å bruke det utrykket.
Frå toppen er det òg nydeleg utsikt til Florøkanten og øyriket vest i havet. Og til Sunnfjords perle - Svanøy. Også innatt Førdefjorden. I aust troner Toreheia og dei flotte Krikavatna som ligg rett vest om. I sør ser vi Skålefjellet og Moldura. Mellom anna. Ja, det er praktfullt her oppe. Og ein tur alle kan gå.
Vi sat ei stund på toppen og naut utsikta før vi tusla ned att same vegen og heim. Og avslutta med eit bad i fjorden til 13 grader. Nydeleg!
Ingen kommentarer:
Legg inn en kommentar