Godt nytt år

Holmedal tidleg i januar

Med januar i bilder ynskjer eg alle eit retteleg Godt Nytt År.

🎇

Her er linkar av nokre minnerike blogginnlegg i året som har gått. Eg håpar å halde fram med nye innlegg i året som kjem. Men eg har kutta ut å blogge nokre av dei vanlegaste "retur"- toppane. Her blir det fort drøvtygging...

31/1 Leknesvatna og Eitrenipa 

25/2 Kald nordakuling

21/2 Jenter i vinden

18/2 Nipebu og Massbu

16/2 Ei vandring i gamalt kulturlandskap

21/3 Kos på Fanøy

23/4 Nydelege Heileberget 2

16/5 TiTur på sørsida igjen

7/6 Med Nordre Askvoll helselag på tur

6/6 Yrande folkeliv i bakkane

28/7 "Fossekallen" drama

24/7 Flott sognatur

17/7 Crete 2022

10/7 Fantastiske Kreta

28/8 Mamma 85 år

10/8 Dalsfjorden

29/9 Nydeleg merketur

12/9 Seinsommarveke på Rhodos

23/10 Med Ellen og Odd

19/10 Soloppgang over Holmedal

4/10 Fjelltrim 2021/2022 klipp

20/11 Nydelege Holmedal

7/12 Vintersola

2/12 Nydeleg adventstur i Holmedal

Lyset 2

 

Skiftande skydekke, nordakuling og snødryss i lufta på Høgeheia i dag. Friskt! Litt isete parti i stien, men greitt å trakke utom utan broddar. 

Lyset

Fantastisk flott lys på kysten i dag. Eller som alltid for den del. Skiftande frå minutt til minutt. Raudt, grønt, gult og lilla i strålane. Både vest over havet, og i synsranda sør, nord og aust. Utruleg flott. 

Elles litt snø i lufta. For så å få oppleve sola. Etter solsnu. Så no går det rette vegen. God Jul til alle!🎄🎅🎇

 

God Jul

Med ei vinterleg morgonstemning på ruta til Fossedalshengenipa og Nipebu ynskjer eg alle ei retteleg

God Jul og eit godt nytt turår!
🎄🎆

Sykje og tappa kropp

Godt å kome litt i sving igjen etter nesten ei veke med omgangssykje. Med kroppen ganske nedtappa vart det egentleg ganske tøft opp på Høgeheia. Djup snø! Men heldgvis var det trakka spor av Dag Tore og Anita dei par siste dagane. Og så traff eg Anita R. på veg ned igjen. Takk for spor. Elles hadde eg nok ikkje kome meg opp i dag... 

Veldig flott på toppen då sola kom fram i sør. 

Vintersola 2

 Det er ikkje så ofte at det er over 7 minus grader heime hjå oss. Så det vart ein kald og flott tur på fjelltrimposten igjen i dag. I nytrakka spor. Og soloppgang oppe i bakkane! Men kulden reiv bra i  kjakane i skuggen opp frå Holevika. Nydeleg på toppen. So og seie vindstille. Reint jomfrueleg i den tørre og drivkvite snøen.

 

Vintersola

Fabelaktig rein vintertur på Høgeheia i dag. Drivande kvit nysnø. Og vintersol! Men det såg ikkja akkurat slik ut då eg starta. Det snøa nemleg ganske heftig då eg tok av garde frå Holevika. Opp gjennom "stien" låg det vel 15 cm snø eller noko slikt. Akkurat slik at råsa oppover var synbar. For sikkerhets skuld hadde eg teke på meg brodddane då eg starta for det låg is under nysnøen. 

Oppe ved julegrana som Anita og Dag Tore har pynta så eg at det lysna i nord. Suverent! Og lenger oppe i bakkane møtte eg vintersola...

Anita og Dag Tore har pynta julegran ved stien til Høgeheia - her i eit godt lag med nysnø
...det skin av sol i nord...

Ja, bakkane låg bada i dei flottaste vinterstrålar du kan tenkje deg. I tillegg var det heilt vindstille! Snakk om flaks. For lenger ute i havet låg det heftige snøbyger. Reint spanande om dei ville nå inn medan eg var oppe på toppen. Men det gjekk heilt supert. Bygene heldt seg unna! Og eg fekk ei herleg stund på toppen. Ned igjen var det rein moro i snøen. 

For ein flott tur dette var i dag. I det flottaste eventyrlandskap!

Foto Høgeheia 071222

Smak av vinter

I dag var det frose på igjen oppover til Høgeheia. På toppen låg det eit dryss med nysnø. Og rimelegvis var det ganske glatt i stien. Ja, betre å gå i graset utom ned igjen. 

Jammen stakk den låge vintersola fram igjen i dag òg. Rett nok var det litt nordatrekk. Men elles veldig fint!  

Nydeleg adventstur i Holmedal

Soloppgang frå ranen på Dokka - lett frost på Straumsnes og i Holmedal

Nydeleg utsikt til kjende fjell i aust

Fantastisk flott tur på Dokka i dag. Rundt null grader i Holmedal, klårt og vindstille. Soloppgangen fekk eg som planlagt oppe på ranen i 09.30-tida. Med nydeleg utsikt ned igjen til dei rimlagde bygdelaga langs fjorden. Medan her oppe låg landskapet bada i reinaste gull.... 

Det gjekk fint oppover den fastfrosne stien. Litt is her og der, men heilt greitt å stige utom. På toppen var det ein liten austatrekk. Greitt å få skifta ut ei sveittevåt trøye med ei tørr ei. Og ta på dunjakka. 

Godt å få på dunjakka og tørre klede

Fjella i Askvoll ligg bada i reinaste gull...

Ned igjen gjekk eg stien til Grønene. Her er det panoramautsikt til fjella i aust og til Bakkevatnet, Rivedal og Dale. Nydeleg adventstur! 

Foto Dokka 021222

Same procedure

Eit par oppdateringar frå Høgeheia...