onsdag 7. desember 2011

Nok ei nydeleg kveld

Ytrevågefjellet i kveld

Eg gjekk i kveld opp igjen løypa eg trakka på Ytrefjellet i går kveld. Gjekk sjølvsagt litt lettare opp no. Men austavinden var skikkeleg sur og kvass i kanten der oppe. Det passa difor bra at eg hadde teke med meg nokre ekstra klede og kunne kle meg om på overkroppen. Medan eg gjekk oppover kom månen fram, og det vart retteleg flott og lyst. Hovudlykta trengde eg ikkje å tenne før eg skreiv namnet i boka. 

Nydeleg tur igjen. No får vi berre håpe at dette vèret held seg... I morgon blir det likevel ikkje tur - då er det julemiddag og personalmøte etter jobb.

Flokeneset i ettermiddag                Ytrevågefjellet 071211



Ingen kommentarer: