Juni i bilder

Tek juni nokre dagar på forskot og deler arkivbilder frå månaden.

Vi får vone det blir like mange fine dagar som her 😄

God (mini) helg! 

Stolpejakt på sørsida av Dalsfjorden

Foto frå Hestebakken.
Frå benken her tok vi oss ein matbit.

Vi reiste til Straumsneset i dag. For å gå stolpejakta her ute. Vi parkerte ved Grendahuset.

Stolpane var plasserte strategisk ut rundt frå Indre Åsnes, Bakkebø, Ytre Åsnes og opp til Jonstad (sjå kart). Så vidare opp skogsvegar til den øverste stolpen oppe på Hestebakken. Det gjekk løypestreng ned til bygda her frå med mjølk frå stølen. Frå Hestebakken er det nydeleg utsikt til Ytste Dalsfjorden og Askvoll (sjå foto). Ja, det er veldig flott på Straumsnes. Fantastisk skue til  fjella på nordsida av Dalsfjorden. 

Elles må eg nesten få nemne dei utruleg særeigne steingardane som er her ute. Spesielt på Arstein der oldefar til Hallvard Arstein, Laurits, har laga murane som står her. I dag kan ein berre undre seg over slitet som har vore med å sette desse opp! 

Praktfulle steingardar på Åsnes
Vi ser Holmedal, Dokka og Moldura i bakgrunnen

Etter at vi hadde det gjort oss ferdige med turen på Straumsnes, gjekk vi oppom Fredensborg på Tysse. Her er det òg stolpar plasserte ut. Som ein veit er Fredensborg heilt nydeleg. Flott bøkeskog. Og idyll ved tjørna med steinbord og steinbenker. Den gamle gravstaden osar kultur og særeige i den flotte bøkeskogen. Elles er det gjort flott dugnad av eldsjeler på Fredensborg i det siste. Fantastisk.

Olaug på Fredensborg i dag

Om gravstaden Fredensborg kan du lese her. 

Foto Stolpejakt Straumsnes og Fredensborg 250525

stolpar på Straumsnes

Fredensborg

Koseleg tur med Olina

Her er ein 40 poengar i "boks"....😄

Lett posering i den idylliske lauvskogen

Dyrevenen Olina i sitt ess

Og stolpane er unnagjort

Kjekk tur til Rivedal i kveld med Olina og Olaug. Saman sanka vi inn postane i området. Vi gjekk til Vagstad, opp austsida av Rivedalselva til demma, og ned att vestsida. Totalt 18 stolpar. Vi kosa oss godt i lag i den fine kveldssola.   

Happy 😍

Iskaldt på Jamneheiane

Litt i ly for nordavinden 

Vi ser Dokka og ned mot Eidsfjorden og Nordeide

Fin utsikt til havs - Staveneset t.h.

Askdalen mot Askvoll - Kultingane og Fristadfjellet t.v.

Etter eit ærend i Askvoll i dag tok eg turen inn Askdalen til fjelltrimposten på Jamneheiane. Det skulle vise seg å bli akkurat den kalde turen eg tenkte på førehand. Inne mot toppen av dalen, ned mot Fismavatnet og opp mot posten i nord, tok den iskalde nordavinden skikkeleg i kroppen. Gjennom marg og bein. Heldigvis hadde eg med meg ei ekstra vindjakke i rompetaska. Og ei ekstra vindtett hue. Dette kom vèl med. Temperaturen var 7 grader nede i Askvoll sentrum. Kva kjøleeffekt vinden hadde her oppe var sikkert ned mot minus grader! 

Vel, eg fekk registrert turen. Og sat nokre minutt i ly nede på sørsida av toppen. Så var det retur same vegen. Opp dalen frå vatnet til toppen av Askdalen. og den lange dalen ned igjen. Fin utsikt. Men ikkje akkurat denne strekka eg likar best. 

Stolpejakt i Skorva

I Tormodgrotta

 

Nydeleg utsikt til Skjerlia og Mandelia.
Markavatnet skin i kveldssola.
I midten bak ligg Kvamsnipa. 

Fossedalshengenipa t.v.
Markavatnet t.h.

Blegja og Eitrenipa frå Stølsryggtoppen

Olaug og eg hadde oss ei runde på stolpejakt rundt Skorvestølen, Selvikestølen og Fesselia i ettermiddag. På stiar vi aldri hadde gått før. Veldig artig å finne fram til "gøymde" postar. Vi fullførde alle på ca 3 timar. Og ikkje alle var heilt enkle å finne... Under skjermdump av postane.  

Veret var fantastisk. Strålande solskinn. Men litt kjølegare enn dei siste dagane. Nydeleg å gå i shorts og t-skjorte. Stolpejakt er faktisk litt kjekt. Det er fint å gå i nytt terreng.   

Nydelege Gjelsvikefjellet

Dagens selfie på Gjelsvikestølen

Gjelsvikestølen - Blegja i bakgrunnen

Og så har vi Engebøfjellet - foto frå Gjelsvikefjellet

Gjelsvikestølen med Blegja, Synste Stauren, Høgefjellet og Eitrenipa, Ruggevatnet og Keisarlivatnet

Skjerli og Markavatnet

Super solo morgontur til Gjelsvikefjellet (link fotoserie YouTube) igjen idag. Den vanlege ruta via Selvikestølen og Gjelsvikestølen. Fantastisk klårt nordavèr og solskin. Temperatur rundt 10-12 grader. I solveggen nede igjen på Gjelsvikestølen var det lunt og godt (første foto). 

På veg opp nedom stølane fekk eg meg ein god prat med ein ivrig fjelltrimmar som var før ute enn meg. Og hadde allereie toppa ut. Kjekt å treffe folk 😃

Ruta no er heilt tørr og fin. For dei som går stolpejakt er her fleire postar oppover. Dei fleste ligg litt utanom ruta eg gjekk i dag. Elles fortel vel bilda på linken under sitt. Nydeleg tur. 

Foto Gjelsvikefjellet 150525

Supert på Jøtelshaugen

Sissel, Olaug og underteikna på Jøtelshaugen i ettermiddag.
Heileberget og Fløyen i bakgrunnen. 
Bakerst til høgre ser vi m.a. Portafjellet i Stongfjorden og Fossedalshengenipa.

Nydeleg utsikt ut gjennom  Dalsfjorden.
I midten lengst bak ser vi Atløy med Atløynipa og Skredvarden, til høgre for dei ser vi Fristadfjellet og Dokka. Bakkefjellet t.h for Dokka. Heileberget og Fløyen heilt t.h i framkant.

Flott utsikt til Kringla, Laukelansfossen og Laukelandshesten. Ein bit av Blegja t.h.

Heilt nydeleg tur til siste post på TiTur Dalsfjorden 25 på Jøtelshaugen i Dale i ettermiddag. Eg gjekk i lag med Olaug og Sissel. Etter at Olaug var ferdig på jobb. Frå Ringstad køyrde vi i lag til Dale. Og valde å gå opp frå Einehaugane (som vi gjorde i gamle dagar).

Første del av ruta oppover går no på skogsveg eit godt stykke. Resten av ruta mot toppen på veldig godt merka og tilrettelagd sti. Her er lagt ned mykje stein og heller over våte parti. Fantastiske jobb 😃! Men i dag var det heilt tørt i stien heile vegen etter alt det flotte veret i det siste. Og ja, sola skein i dag òg, om enn i litt nordavind på toppen.

Med utsikt til Dale, Dalsfjorden og fjella kring Fossedalen er det ein heilt eineståande tur opp til Jøtelshaugen på 554 moh. Absolutt å anbefale!

Tøff fjelltrim

Nonsholten i dag

I dag gjekk turen på Heileberget. Og toppane på Fløyen, Nonsholten og Driveknolten m.m. Nonsholten er den lengste posten på årets fjelltrim til AHIL (Askvoll og Holmedal Idrettslag). Det var ein usedvanleg flott vårdag med strålande sol og vindstille. Og for å gjere turen litt ekstra sette vi ein bil i Rivedal, køyrde vidare til Otterstein, og gjekk opp her i frå. Såleis kunne vi gå heile Heileberget på langs. Og for dei som har gått denne ruta, så kan dei vel skrive under på at den er ganske lang (iallefall for pensjonistar 😄). Berre oppstigninga frå Otterstein til Fløyen krev sitt. Gangtid total var ca 5.timar i dag. 

Vi, det var Olaug, Tordis og underteikna. Men undervegs oppover traff vi fleire frå Holmedal som var i same ærend. Så det vart litt småprat ovanfor Bjergastølen og til toppen. Kjekt med blide turfolk ein treff på. Alltid pratsomme i slike flotte omgjevnader som vi har rundt oss. Ikkje minst oppover til Fløyen og Heileberget. Det er fantastisk utsikt inn fjorden og til Fossedalen frå oppstigninga om ein snur seg mot nord og aust. 

Nydeleg utsikt inn Dalsfjorden - Laukelandsfossen i midten

Vi ser ned att til Fossedalen med fleire turgjengarar opp bratta til Fløyen

Dale frå oppstigninga til Fløyen

Ja, vi toppa greitt ut alle. Pusten gjekk jo ganske heftig. Og eit par stopp måtte til undervegs. Vi traff elles ein kjenning som alt hadde vore på posten og skulle ned igjen same vegen til Otterstein (vi gjekk som sagt til Rivedal).  

Tordis og Olaug på Fløyen

Underteikna og Olaug

Frå Fløyen gjekk så turen vidare ut Heileberget til Nonsholten. Den ligg litt på nordsida av fjellet. Med flott utsikt til Fossedalen. Her tok vi så ein fortent matbit og kaffi og sjokolade. Herlig. Praktfull utsikt til Fossedalshengenipa, N&S Kringla, Eitrenipa, Blegja, Storehesten og mange fleire. 

Olaug på Nonsholten. Markahengenipa og Fossedalshengenipa i bakgrunnen

Tordis på Nonsholten -
i bakgrunnen f.v. Eitrenipa, N&S Kringla, Blegja, Storehesten og Laukelandshesten
i midten bak ligg Fossedalen

Fossedalen frå Nonsholten - 
Fossedalsfossen i midten nede - Laukelandsfossen t.h.

Så gjekk turen vidare utover Heileberget mot Driveknolten. Med fantastisk utsikt mot havet, Dalsfjorden, Dokka, Moldura i vest, Portafjellet mot nord. Tørt og fint på berga og i terrenget. Perfekt med låge og lette "fjelljoggesko". Vi klatra så opp bakken og hammaren i aust på Driveknolten. Og sette kursen vidare mot vest. Og ja, her er eit stykke å gå utover - før vi gjekk ned skaret ved Høgknolten og til Hundeheia. 

Utsikt mot Rivedal, Straumsnes og Holmedal ved Høgknolten

Ned skaret

Frå Hundeheia og til demma på kraftverket i Rivedal tok vi den gamle TiTur ruta og fekk med oss to svarte poengstolpar på Stolpejakta. 

Ja, kva slags superlativ skal ein bruke om denne turen? Eg veit ikkje heilt. Men heilt eineståande vakker er den. Med dei utruleg flotte fjella som omkransar Fossedalen. Og sjølvsagt dei fantastiske bygdelaga kring Dalsfjorden. Berre å nyte!

Foto Fløyen, Nonsholten, Driveknolten, Rivedal 100525 

TiTur Dalsfjorden, Setekletten Atløy

Nøgde turgjengarar -
Askvoll nede t.h. Heileberget oppe t.v.

Utsikt ned igjen til Gjervika og Askvoll

Ein liten pust i bakken

Eg vart med Velaug og Olaug til Atløyna etter at dei var ferdige på jobb. Passa fint med 15.10 avgangen frå Askvoll. Setekletten på øya er trimpost på TiTur Dalsfjorden i år. Vi gjekk direkte opp bakkane frå Gjervika og trengde såleis ikkje bil. 

Som alltid før om åra er det godt merka stiar på Atløyna. I så måte er her eit blogginnlegg frå arkivet med bilder og videoar. Stort sett var stien i dag tørr heile vegen opp. Og sola skein. Om enn i ein nokså kjøleg nordavind. Vi kom oss greitt opp på ca ein time. Elles er det òg merka sti til Setekletten frå Høyvika. Sjekk på ut sida for dei mange flotte turane her ute. 

Vi gjekk ned igjen same vegen og nådde fint ferja kl 17.30. Veldig grei tur. Neste gong vil eg likevel gje meg betre tid og gå på fleire av dei andre toppane. Atløyna er perfekt såleis😍

Foto Setekletten 060525

TiTur Dalsfjorden Brendåsen, Nedgardsstølen, Ekrenova og Stavsdalen

 

Fellesfoto på Nedgardsstølen 
f.v. Sissel, Velaug, Connie, meg og Olaug

Eg vart med deler av fjellgeitene på ein TiTur ekspedisjon på sørsida av Dalsfjorden i dag (sjå foto). Vi tok ferja klokka 11.30 frå Askvoll til Fure og parkerte ved Fure Mekaniske. Og gjekk så på Brendåsen. Fin og grei tur opp i lett terreng. Men ganske vått i fleire parti. På toppen sat her allereie ein liten familie. Og eit par kjenningar frå ferja kom opp bak oss. 

Foto Brendåsen

Deretter gjekk turen ned att og vi køyrde til Dalsleitet ovanfor Tyssedalen. Vi fann etter litt startplunder så stien til Nedgardsstølen. Stien gjekk for det meste gjennom granskog, vått og myrlendt terreng. Flott utsikt på toppen. Og fine hytter og stølshus.  

Vi ser Heileberget og Blegja i bakgrunnen

Foto frå Nedgardsstølen

Så gjekk turen ned att til hovudvegen. Her tok vi ein liten matpause før vi køyrde til Hauglandssenteret. Her gjekk vi så opp på Ekrenova. Ganske bratt opp gjennom granskog. Nydeleg utsikt til Flekke frå toppen.  

Flekke

Siste post på programmet var å gå frå ungdomshuset i Flekke og inn Stavsdalen til gapahuken. Her kunne vi registrere siste TiTur post på programmet for dagen. 

Stavsdalen med Velaug, Olaug, Connie og Sissel

Takkar damene for ein kjekk og sosial tur. I nydeleg vårver 😎Vi var heime igjen ca kl 18. 

Foto Brendåsen, Nedgardsstølen, Ekrenova og Stavsdalen 040525

Mai i bilder

Mai i bilder - ha ein fin 1.mai!