 |
| Panorama frå Dokka i dag |
 |
| Dagsturhytta ved Nyksvatnet |
I dag gjekk eg opp frå Eidsfjorden og tok ruta som skissert under på bildefila. Og ja det var kaldt. Med snø i lufta. Og på Kalderasnipa reine snøstormen. Eg måtte difor søkje ly bak varden eit kvarters tid.
Så letna det litt så eg gjekk fort opp på Dokka i sør då eg helst ikkje ville ha på meg ei liknande byge der oppe. Det gjekk. Så ovanfor er eit panoramabilde frå Dokka i dag med ei ny byge på veg inn frå nord.
Eg sprang så ned til Nyksvatnet og tok peiling på nye dagsturhytta då ei ny snøbyge var i emning. Det gjorde veldig godt å kome seg inn i hytta for her var det god lunk. Og i sola som stod på glasruta vart det reint varmt og koseleg (sjå video).
Etter ei stund tok eg så turen vidare til Hålandstølen for å ta nokre bilder (sjå link). Det var ei stund sidan eg hadde vore her. Eg returnerte så til vassverket i Holmedal. Og av alle gode ting fekk eg haik med skuledrosja opp igjen til Eidsfjorden der bilen stod. Flott tur, men steik var det kaldt i snøbygene frå nord.
Ingen kommentarer:
Legg inn en kommentar