 |
| Morgonstemning ved Øyravatnet. Eitrenipa midt i bildet. |
 |
| Motsett veg ser vi Øyravatnet frå Eitrenipa |
 |
| Eitrenipa |
 |
Mot nordvest frå Nordre Kringla.
Eitrenipa t.h. og Krokavatnet i midten.
Ruta eg gjekk nord att midt i bildet. |
 |
| Selfie Søndre Kringla |
 |
| My old town... |
 |
| Øvre Fossedal litt t.v. |
 |
| Fossedalsvatnet |
 |
| Krokavatnet og mot Florø med zoom |
 |
| Hellaren ved Krokvasstølen |
 |
| Krokvasstølen |
 |
| Krokvasstølen og Nordre og Søndre Kringla |
Foto
150516
Nydeleg rundtur i dag frå Skorva via Leknesvatna til Eitrenipa, sør til Nordre og Søndre Kringla med nedgang Kringleskaret. Deretter nordatt på austsida av Krokavatnet. Turen tok nesten 6 timar utan pausar. Anna enn fotograferinga.
Ja, det tek si tid å gå over desse karakteristiske fjella. Eg var nok inne på tanken om å ta returen via Fossedalen til Dalsfjorden, men det blir alltid styr med å hente meg sjølv i Dale, og bilen i Skorva etterpå. Så eg valde returen til Skorva igjen i dag. Olaug, Marie og Øyvind var rett nok på Dokka, men likevel.
På Eitrenipa er det no fint å gå. Snøen er vekke på den mest utsette plassen der det er luks ut for. Men det ligg ein del snø opp skaret. Eg tok på broddane, men det kunne sikkert ha gått greitt utan. Likevel var det tydleg at her hadde vore minusgrader i natt. Det låg nemleg ny is langs land på Leknesvatna.
Det ligg ein del snø ned i skaret til Nordre Kringla der ruta Massbu/Nipebu går. Dessutan opp igjen ryggen på både nordre og søndre Kringla. Nedstigninga i skaret til søndre var forresten litt tricky då det i bratta her låg ei djup kløft i snøen, som eg fann ut at eg aldri hadde kome meg opp igjen av om eg datt ned i. Uansett måtte eg over. Så eg tok sjansen på å hoppe. Og nådde over....
Men det var nedstigninga frå Søndre Kringla mot Øvre Fossedalen eg hadde mest i tankane. Den gjekk heilt greitt. Med litt omhu. Eg er likevel glad for at eg ikkje tok denne vegen ned for 14 dagar sidan...
Elles kunne eg kontstatere at eg var første mann på både Eitrenipa, Nordre og Søndre Kringla i år. Det ligg nemleg trimbok både på førstnemnde og sistnemnde. No med Godt Nyttår i begge...:-)
 |
| Fossedalsvatnet frå austsida av Krokavatnet |
Turen nord att til Skorva gjekk eg i dag på austsida av Krokavatnet. For første gong. Har gått mange gonger på vestsida. Men det har vore litt diskusjon om ein i gamle dagar brukte vest eller austsida av vatnet. Eller kanskje begge deler. På austsida må ein iallefall halde eit stykke over vatnet heile vegen. Og det gjekk heilt greitt. Like fram til den store hellaren sør om Krokvasstølen. Der eg hamna over hellaren og måtte snu tilbake og ned. Urane rett sør om Krokvasstølen er eit kapittel for seg. Men alt i alt gjekk det veldig greitt å gå denne vegen. Og minst like kjapt som å gå over kloppa i sør på Krokavatnet og vestsida mot nord. Men dette blir vel kanskje mest for spesielt interesserte å nemne...:-) Uansett var det både spanande og givande å sjå alle desse fjella frå ein ny vinkel. Ikkje minst å kome så nær forkastningane på Eitrenipa (sjå foto under).
Herleg rundtur 1. pinsedag med andre ord. Sjå foto!
 |
| Eitrenipa og forkastningane på vestsida |
Ingen kommentarer:
Legg inn en kommentar