I dag tidleg gjekk eg turen opp Gjerdedalen, brekka og til Skålefjellet. Det var hard skare frå nede i brekka og heilt opp. Men det går endå ikkje an å gå opp ved første elva. Iallefall tok eg ikkje sjansen på det i dag heller pga snøforholda nedom hammaren, og ikkje minst over den... Så eg gjekk oppom andre elva som fleire gonger før i vinter/vår. Med broddar under skorne funka det heilt fint.
Returen tok eg i dag austover og ned til Botnastølsvatnet. Her var trugane gode å ha då snøen blotna godt opp i sola. Tyngste stykket på heile turen var å gå heile vegen frå Oslandsbotnen til Osland, og FV 609 til Gjerda igjen etter bilen. Heite fjellsko og grus- og asfaltveg høver ikkje heilt godt i hop, men soleis valde eg det... Fint då å sjå skilnaden på vegetasjonen der oppe og langs vegen her nede. To forskjellige årsider, minst.... Flott tur!
Ingen kommentarer:
Legg inn en kommentar