søndag 24. februar 2019

Eitt skar og eitt til

Nordeide

Skaret opp frå Fisma
Fismavatnet og Steinheia

Søreidet, Kyllaren og Ringstad


Dagens rute

Delvis skya, 8 grader, disig, og neste vindstille i dag tidleg, er vel ikkje akkurat slik vi hugsar at februar var før i tida. Når vi i tillegg kan legge til at det er snøfritt langt til fjells, er dette iallefall uvanleg. 

I dag valde eg rundturen frå Nordeidet til Fisma og opp skaret til Fismavatnet og Jamneheiane. Fin og rask rute for å kome seg opp i fjella på Askvoll-halvøya. Bratt opp skaret i nord og retur ned att skaret i sør. Her oppe viste det seg at Fismavatnet allereie var nesten isfritt.  

Frå Jamneheiane gjekk eg opp skaret i sør og opp bakken til Steinheia. Her er det flott utsikt. Diverre var det såpass disig i dag og relativt dårleg lys at bilda nok ikkje vart slik eg tenkte. 

Deretter følgde eg heile høgdedraget sørover på austsida av Askdalen til Kultingane. Denne toppen er med på fjelltrimmen i år. Returen tok eg som sagt ned att skaret i sør til Nordeidet der bilen stod. Flott rundtur.





Ingen kommentarer: