Det er ofte stor skilnad på både vèr og temperatur frå fjord til fjell på denne tid. Ja, det er det no for så vidt alltid då, men kanskje legg ein best merke til det no på ettervinteren. For når sola varmar i bakkane heime, er det iskaldt på Toreheia. Som i dag. Når det er sagt vart det ein skikkeleg flott tur opp dit. I delvis skya vèr, litt sol og forholdsvis lite vind.
Eg gjekk opp den vanlege ruta om Krikavatnet. Nei, eg prøvde meg ikkje over isen, men gjekk over vadet på vatnet. Det låg ein del snø oppover av variabel djupne og fastheit. Men det gjekk heilt fint å gå opp på berre føtene. Eg returnerte så via Yndestadhøgeheia (sjå videosnutt) der eg traff Rune H. Vi slo av nokre ord i lag. Deretter gjekk eg heim via Solheimstølen og Selda. God trimtur!
Ingen kommentarer:
Legg inn en kommentar