 |
| Agnar er vèl nøgd med og fått båten i hus for vinteren |
 |
| Ved Krokavatnet ser vi Eitrenipa og Nordre og Søndre Kringla |
I silande regnvèr, skodde og vind. Ja, det var så kaldt ved Fossedalshengenipa at eg fekk både naglebit og frost i meg. Med vinden rett i mot, gjekk det ilingar gjennom marg og bein. Eg bestemte meg likevel for å stå på til hytta, så eg fekk bytt klede der. Eg var nemleg kledd altfor lett i dette grisevèret.
 |
| Under Fossedalshengenipa |
Vel framme på Nipebu fekk eg skifta til andre klede. Agnar var allereie på plass etter å ha godt frå Dale. Så i saman fekk vi båten og kanoen i vinteropplag.
No var det ein kar til i hytta i dag. Så eg fekk servert kaffi etter seansen. Men etter ein god drøs, gjekk eg ned att same vegen. Det artige var at det var no eg skulle hatt kleda på meg som eg gjekk opp i. For no stakk sola fram, vinden stilne og det vart verkeleg fint. Ja, ja vèret styrer ingen. Eg kom meg iallefall heim igjen både til middag og fotballkamp. Well done !
 |
| Med kano som last.... |
 |
| Ved Grunnevatnet stikk Kvamsnipa fram (post på Fjelltrimmen no) |
Ingen kommentarer:
Legg inn en kommentar