Oktoberbilder

Oktober er på veg - her er ei samling bilder frå denne månaden 😊

Pensjonist-trim

Vi ser m.a. Smørkletten, Hjartåsen, Eggene og Blåfjellet t.v. Eimind og Granesundet i midten. Skredvarden og Atløy t.h.

Kinn, Reksta, Skorpa, Batalden og Askrova fremst

Flott trimøkt på Høgeheia igjen i dag tidleg. Opplett, men kald nordavind. Stien var tørr og fin. Utegangar-sauene såg eg ikkje. Med relativt lite klede vart det ganske fort opp og ned. Vinden tok nok meir der ute enn her inne i fjorden. Men godt kva trimøkt som er gjennomført... 😊 Under stillbildesamling på YouTube.

Ei fin trimøkt

 

Ei fin trimøkt til Skylefjellet og Mangevatna. I det flottaste landskap. Her heime.... 

Ein stille og solrik morgon.

Det lakkar og lir for TiTur Dalsfjorden24

Matykt på Furefjellet med panoramautsikt....

Furefjellet har tre toppunkt.... Dette mot nord|

Granesundet

Alden, Heggøyna og Smelvær

Holevika

Oss tre...

Staveneset

Eg vart med broder Sillan og svigerinna mi Tone til Holevika på Staveneset, og vidare til TiTur Dalsfjorden posten på Furefjellet i dag. Dei mangla posten i "samlinga" si. Det vart ein fantastisk dag. Shorts-vèr. Sol. Og blikkstille! Rett og slett ein utruleg flott haustdag. Slik sett hadde Tone og Sillan spart på konfekten og gøymt det beste til slutt 😎

No er det fullt mogeleg å gå på postane fram til 1.oktober. Så for dei som framleis vantar ein post eller to så er tida no kanskje den aller finaste til å gå på dei. God tur! 🏃  

Ei god økt

Utsikt mot deler av Grimelia og Stubseidvågen

Det går 4 sauer (iallefall) nordaust for Skylefjellet (midt i bildet)
(Mobilbilde frå langt hald)

Utsikt mot Skylefjellet, Toreheia og Yndestadhøgeheia frå Blåfjellet

Dalens self på Blåfjellet

Eg tok turen opp igjen på Blåfjellet i dag (ja, eg veit det er mange Blåfjell 😄) Frå Grimelia denne gongen. For å sjå etter sauer. Sidan eg hadde fått tilsendt eit nytt GPS signal. Det var dei same sauene som eg såg etter på lørdag. Og ikkje fann. 

Vel, ved Blåfjellet gjekk dei ikkje. Men då eg gjekk heilt nord på kanten av fjellet - mot Stavfjorden fekk eg betre sikt inn heile nordsida. Og ja, forsyne meg. Langt inne i synsranda i bakkane nord for Skylefjellet gjekk det iallefall 4 sauer. Der eg gjekk på lørdag. Nesten fortærande at eg ikkje fann dei då. Men dei hadde vel gått lenger nordvest mot Grimelia. Eit parti som gjekk meg hus forbi lørdag. Trudde jo ikkje dei kunne gå så langt ute. 

No var turen i dag nærast for ein rekognoseringstur å rekne. Eg var ikkje utstyrt med verken mat eller noko særleg med klede. Og det ville ta mange timar å få dyra austover forbi Toreheia og Ytrevågefjellet. Så sauene fekk berre gå. Dei har no inga naud der oppe heller. Men no veit vi iallefall at dei går her. Og kan hentast ved neste korsveg. 

Så slik gjekk nokre morgontimar i dag. 

No vart eg likevel så rastlaus ei stund etter middag at eg tok meg ein time i treningshallen òg. Med eit kjølande fjordbad etterpå. Så dagen i dag må vel få benevnelsen ei god økt.... 😃

Fjelltrim sesongen 2024/2025

Utsikt frå Jamneheiane

Utsikt frå Driveknolten til Nonsholten (t.v. omlag midt i bildet)

Eg ser Dag Tore har lagt ut dei nye fjelltrimpostane på heimesida til fjelltrimmen på FB. For sju år sidan stod dei same postane på programmet. Då laga eg nokre blogginnlegg om fjella. Eg har linka opp innlegga til dei same postane i år (sjå linkar under). Bildefilmar frå fjella finn du i hovudmenyen t.h. på bloggen (i nettversjon). Oppstart på dei nye postane er 6.oktober. Desse er:

• Gjelsvikefjellet
• Middagsnipa
• Hekkelfjellet
• Jamneheiane
• Nonsholten
• Blegja (Frivillig) 

Som vi ser er dette interessante toppar. Eit par av dei relativt lange. Men desse skal bli godt å bryne seg på for ivrige fjelltrimmarar komande sesong. God trim og lukke til. Og ikkje minst - pass opp for glatt terreng framover!

Sauesanking

Ein rast i solveggen ved Svartevatnet

Det siste eg såg til sauene (midt i bildet) ovanfor Krikavatna

Sunnfjords perle - Svanøy

På veg vestover til Blåfjellet t.v. Med øyane i Florø i synsranda.  

Eg tok del i sauesanking i dag. Så eg begynte å gå heime frå i 07.30 tida etter eit GPS signal på ein sau heilt ute på nordsida av Blåfjellet i Grimelia. Ganske langt vest får ein seie når sauen var heimehøyrande i Vågane. 

Det var ein kald morgon. Etter 30+ på Kreta i 14 dagar var det svinkaldt i vinden ovanfor Rinda. Og ved Mangevatna måtte det dun og hanskar til + den vindtette hua eg har brukt i mange år... Og jammen kunne eg tenkt meg stillongs òg. Elles var det skya med gløtt av sol. 

Vel, eg toppa ut Blåfjellet i vinden. Men såg ikkje noko til sau og lam. Ikkje frå Mangevatnnipa heller. Så då gjekk eg heile nordsida mot Stavfjorden inn mot Skylefjellet. Opp og ned dalane og haugane. Men nokon sau såg eg ikkje. Fordømt òg. Frå toppen av Skylefjellet derimot såg eg fleire i stigninga mot Toreheia. Midt i ruta. Javel, ja... Då var det berre å halde fram austover og få med desse via Toreheia til Hjartebuvatnet og Ytrevågefjellet. 

I starten på bakkane oppover tok likevel saka ei anna vending. Ei s(n)auvending for å seie det slik. For eg såg ein person kome over høgdedraget lenger oppe som eg gjekk til møtes. Det viste seg å vere Tormod S. i sankelaget frå aust. Vi vart einige om at han tok sauene austover. Og eg ja, kunne snu og gå heim igjen. Då via Krikavatna, Svartevatnet og Rinda.

No vart det nokre timar trakking dette. Så trimmen var eg ganske nøgd med. Men om det går igjen ein sau her oppe eller ei det får no tida vise. Iallefall er det meldt bra ver framover, så kanskje kan det blir ein ny tur med det første. Sydenkaloriane lyt jo få føter å gå på...😄

Ein sommar er over

Imbros ravina og Frangokastello får stå som eitt av høgdepunkta i sommar
(sjå bildelink)

...men minnene vil bestå. Ja så er det sagt og skrive. Og det kan eg vel slutte meg til akkurat her og no.

Vi har feira 80 års dag ei helg i Bergen. Vore i Skjolden nokre dagar. Og på Sunnmøre og Romsdal ei veke. Og hatt rikeleg med besøk her heime på Yndestad. Vi avslutta så sommaren med 14 dagar på Kreta! Vedlagt ligg bildefil frå denne turen. 

Det vil sjølvsagt føre for langt å gå i detaljar på alt dette. Mange av bilda mine er dessutan private. Men i denne bloggen ligg fila frå Kreta. Og eitt av høgdepunkta vandringa gjennom Imbros ravina og til den flotte stranda i Frangokastello med det venetianske fortet! 

Vi var elles tur med Apollo til fjellandsbyar. Med Little train til mellom anna kloster og for å besøke vinproduksjon. Og gjekk daglege turar langs stranda.  ++. 

Alt i alt ein veldig flott og innhaldsrik sommar. Toppa med mykje sosialt besøk og sol og varme på Kreta. Batteria kan vel no seiast å vere lada. Så får vi tru på godt vèr og fine fjellturar framover 😉    

Foto Platanias Kreta ++ 240824-070924

Imbros Gorge, Komitades og Frangokastello

Olaug i Imbros ravinen 

Frangokastello 

Frå mobil.

I går gjekk vi den flotte turen gjennom Imbros ravinen til Komitades og Frangokastello. Og den suverene stranda til sistnemnde. Dette på sørsida av Kreta. Turen gjekk arrangert gjennom Apollo. Vedlagt ei bildefil frå turen. 

Foto Imbros Gorge, Komitades og Frangokastello 030924