Highlights 2016 b (folk første halvår)

Magne Stensaker, Andreas Ramstad og Asbjørn Eikerol

Ove Losnegård og Frida Melvær
(Stangfjord kjem heim)

Nikolai
(barnebarn)

Kristine og Vilde

I

Tora, Torbjørn og Tiril

Olina har vore på helgebesøk og skal heim

Hanna og Sander
(barnebarn)

Vilde

Lene

Ingebjørg og Live

Amalie

Happy birthday to you

Olaug og Rudi

Sander og Tor Ivar

Kristine og Olaug

Ivar og Aud Elin

Mamma og Margunn

Dans i Dalstunet

Arnljot, Tor Vidar og Inge

Marie, Øyvind og Peter

heia heia heia

I clinch

Gutta boys

Anne Lise
kollega

Kollegaer

Rytter til helst

Sisters Kvamme Vårdal
(origin Flaten)

Selfie-time på Eitrenipa

Dalstunet
(my dearest)

Dalstunet med sin runddans

Liv og røre i Dalstunet

Brothers Arstein

Mykje godt arbeid er lagt ned i korpset

Åra går - fest avslutning ungdomsskulen

Avgangskullet i Askvoll våren 2016

Fin gjeng

Julie Gjervik rosar klassen til Peter

Dale-jenter på Dokka

Håvard og Olaug i Fossedalen

Fossedalen

Godt på tur...

Fotogen småjente....

Selfie-time

Bak Fossedalsfossen

Fotogen småjente 2

Kuul it man

Jakob Øyren dreg i gang festivitasen då Stangfjord kom heim

Ove Losnegård

Stangfjord kjem heim

Gratularsjonar frå Ordføraren

Tale ved primus motor Lasse Vie

Holmedal og visning av gamlehuset

Cosy-time

Holmedal

Bildelink

Highlights 2016 a (Crete)

Hidden girls at Chania Lighthouse
(used by permission)

Agia Marina

Samaria Gorge

Balos Beach

Agia Marina

Samaria Gorge

Imeri Gramvousa

Twins

Happy lady

Foto 

Kreta 2016

At Platanias

Holy Patriarchal - Stavropegic Monastery of Chrysopigi

Indre begjær

God jul frå Stongfjorden

Bloggen min er 10 år i desse dagar. Den første spede starten var ein juledag i 2006 med elendig vèr. Eg las ein plass om ei oppskrift på eigen blogg. Om eg var tidleg eller seint ute med dette hugsar eg ikkje. Men i dag er blogging meir eller mindre gått av moten. Folk har verken tid til eller å lese blogg. Bilder og videosnuttar flimrar forbi - dei forsvinn like fort ut av syne og sinn på Snapchat, Instagram og Facebook som dei blir lagde ut... 

Nokre bilete frå vår årlege familiesamling 1.juledag var det første blogginnlegget eg posta. Ganske vågalt på den tid? Personleg og greier. Midt inn i heimen. Det var ikkje måte på åtvaringar som vart bringa til torgs - bilda kunne bli misbrukte, eg var altfor personleg, islett av narsissisme etc. Vel, eg har nok lært meg ei lekse undervegs. Fått på pukkelen har eg òg. Mest i det siste når eg har bevega meg utanom eigen "tursfære"....Det er kanskje rett som fruen i huset har uttalt - "du treng ikkje dokumentere alt du er med på". Men om eg har vore i tvil, har eg i dei aller fleste tilfelle spurt om å få bruke bilder. Iallefall frå meir "private settingar". Bildeflaumen, og ikkje minst bruken, har også endra seg mykje opp gjennom åra. Eg får seie som ei jente eg kjenner sa då eg spurde om å få bruke bilder av ungane - så lenge dei har klede på seg er det ok... Men det er jo ikkje til å kome forbi at folk ser ulikt på dette. 

Dette er eitt av dei første digitale bileta eg har teke.

Det er frå turlagsturen frå Stongfjorden til Nipebu og Bygstad 25/6-2005

Ganske fort vart bloggen min ein rein turblogg. Blogginga som ekstra "uttøying" etter turen. Konklusjonen om du vil. Først og fremst for å vise alt det flotte landskapet vi har rundt oss. Og ikkje minst å motivere andre til å ta i bruk fjellet som eit kick for eiga helse. Endorfinar og alt det der. Å gje av meg sjølv og eigne erfaringar vart på ein måte ein livsstil. Og nærast som ein sjølvfylgje vart bilder frå Nipebu lagt ut denne første bloggstunda mi. Reist på dugnad av stolte og engasjerte menneske. Nipebu har såleis følgt meg mykje desse åra. Diverre har tidene endra seg i høve hytta òg. Det som var kjem aldri meir att...

Fullmåne på Svarthamrane 21/12-10 

Når eg i dag ser tilbake på 2425 blogginnlegg (visingane kan heller vere hemmelege), dei flesta av turar med bilder, så vart nok bloggen litt annleis enn eg såg føre meg ei rysja jul i 2006. Den har nemleg gitt meg utruleg mykje glede desse åra. No tygg eg nokre dagar til på å avslutte han. Slik sett blir det å avslutte eit kapittel i livet. Alt av fjell her heime er besøkte eit uttal gonger. Gjennom alle årstider. Motiva er gjennomfotograferte. Men kanskje er det nokon som finn eit kvart interessant i all denne informasjonen? Som pensjonist, eller på heimen, kan det for eigen del sikkert vere kjekt å ha noko å sjå tilbake på. Jula er kanskje den mest retrospektive tida slik sett. Lett tilgjengeleg ligg iallefall "alt samla på eitt fat".... 

God jul frå Stongfjorden.

Adventsblomar

Det renn godt ned fjellet på sørsida av fjorden i dag. 

Elvane er som sølvsmykker ned dei gråfarga liene. Ikkje ei snøfille å sjå. 

I hagen er det liv. Ja, nye blomar ser dagens lys. Adventslys om du vil. 

Rare greier med denne vinteren.

Orgie i musebolet

Heileberget i vinterskrud -
lurer på om Jakob`en var her nokon gong....

Jakob Sande skreiv slik om "Musa i orgelet". Eg har tenkt på dette stykket fleire gonger dei siste 14 dagane medan mysene har laga bòl i lungene min. Spesielt om kveldane og nettene då romstreringa, piping og skvaldring har vore på det verste. 14 dagar orgie i musebolet. Og ikkje tal om ein ørliten pause.  Myser i festlage. Myser i rus. I skråling og svir. I aulande antal. Som under svartedauden har dei sprunge rundt og formeira seg. Nei, aldri om eg har vore så ille plaga med høglydt festing nokon gong.  

Vel, var det noko Jakob`en kjende til, og skreiv om, så var det festing:

To bønder, etter som ordet går,

var aldri edru på fire år.

Det fyrste gjekk på ein måte.
Dei fekk både læ og gråte.

Andre året vart verre.
Då rauk både hest og kjerre.

Tredje året tok ende.
Dei hugsa 'kje kva som hende.

So gikk dei inn i det fjorde,
og det var det siste dei gjorde

Eg trur mysene i musebolet har gått inn i det fjorde. Tilliks med dei to bøndene til Jakob`en. Iallefall aular dei no ut i forkomen stand. Så kanskje kan det bli Guds fred til jul? Festing og orgiar fører i grunn snaraste veg til kyrkjegarden. Berre spør romarane..... 

Sjukelege

Dagens naturoppleving - eit mobilskot frå sofakroken

Det er godt vi ikkje veit so mykje om morgondagen. For etter mitt siste blogginnlegg er det eit par ordtak som har summa i hovudet - "hovmod står for fall" eller at det "går troll i ord"... For førre veke var det knapt so eg makta å kome meg ut or senga. Og etter nokre dagar i ørska fekk eg konstatert det eg tenkte - pneumonia - eller på godt bokmål - lungebetennelse. For spesielt interesserte ja.... Kanskje var situasjonen reint mi eiga skuld? Eller for å bruke mor mi sine ord - det er på tide du tek det med ro... 

Vel, vel - syting er noko med det verste ein høyrer på. Så nok om det. Bloggen trengde ei oppdatering så ingen trur eg ligg på lit de parade.  Alt har si tid her på jord.. Og så lenge det ein slit med er ein overgang, skal ein berre vere glad til.... Eg er nok snart på tur igjen!

For spesielt interesserte

Ein flokk med 9 hjortar sprang forbi meg - eller eg forbi dei alt ettersom.....
Her er 6 av dei - bilde teke med mobil

Det regna heilt til topps på Moldura i dag....

For spesielt interesserte var fruens lakoniske kommentar då eg kom heim frå Moldura i dag. Som regel brukar ho å treffe spikaren på hovudet. For det bles og regna. Og etter ei nedbørsrik natt var det søkk vått. Skodda ovanfor Langedalen, ca halvveges, var så tjukk at eg måtte halde meg strengt til kvar ein einaste varde for å finne fram. 

Vel, no kjenner eg meg såpass godt etterkvart at eg har det vesentleg betre med meg sjølv etter ein tur i all slags vèr, enn når eg går frå senga til sofaen... Eg vil no heller kalle det livet for spesielt interesserte. Sportsendingane på tv sløyfar eg lett. Sportsidiot er sikkkert ikkje så greitt å vere heller. Nei, då er det betre å få røynt seg litt sjølv. Både fysisk og mentalt. Ja, for i dag var det i grunn litt jobb med begge deler. Det er så mykje snakk om komfortsona. I dag bevega eg meg vel litt utanom den på fleire måtar. Slikt gjer no alltid godt, synest eg.... (iallefall etterpå...:--)

Våt skodde snø

Vått, skodde og snø på Toreheia i dag. Men nesten vindstille. Grei trimtur på morgonkvisten.

 Vi får håpe på betre vèr framover. 

Frie fossar

Fossedalsfossen

Det er framleis frie fossefall i kommunen. Storleiken på dei fleste går som oftast opp og ned som ein jo-jo då dei renn fort frå fjell til fjord. Alt etter nedbørsmengda. Akkurat desse elvane og fossane er det fleire av. Mellom anna på Nordeide og Smettet som har to flotte fossefall. I Rørvika og på Heilevang. Fossen frå Atlevatnet er òg nydeleg. Likeeins frå Stordalen og Krokavatnet.

Namnet Fossedalen seier seg sjølv. Nedslagsfeltet av vatn til Fossedalen er det største som i dag ligg urørt i kommunen. Fossedalsfossen og Vikafossen, med utløp i Dalsfjorden, er såleis dei to største fossefalla i kommunen som har "jamnast" og til tider stor vassføring. (Nabovassdraget og Laukelandsfossen ligg i nabokommunen Gaular). Vedlagde bilde viser Fossedalsfossen ein desemberdag.

Frå Mountains in Askvoll