Neste sesong

Jepp. Då er fjella for neste sesong klare. Dei vart som forventa. Med eitt unntak. Bakkefjellet er kome inn i staden for Hekkelfjellet. Grunnen til dette veit eg ikkje. Bakkefjellet ligg litt lenger sør på Holmedalssida enn Hekkelfjellet. Ein slepp gå om Hålandsstølen, men kan gå opp på vestsida frå Bakke og Bogestølen, eller lenger sør på ranen og opp. 

Elles ligg Stordalsfjellet inne som 30 poengar. Eg var ein tur inn på Stordalsfjellet/Portafjellet i vinter. Det er tilgjengeleg frå alle kantar. Du kan gå frå Skjerlia i aust, Nipebu-traktene i sør, Stongfjord-sida og Osland i vest og via Indrevågefjellet og Norddalen i nord. Her er fotoserien frå Stordalsfjellet i vinter. Legg òg inn nokre andre vinterbilete sidan det er desse turane som no står for døra.  

Fra Stordalsfjellet 250212

Eg nemnde Indrevågefjellet. Der er det òg post komande sesong. Fjellet er lettast tilgjengeleg frå Osland. Men ein kan òg gå frå sør som motsett rute frå Stordalsfjellet. Du kan òg gå opp frå Vågane i nord, eller den lengre turen frå Skjerlia via Middagsnipa.

Indrevågefjellet. Ytrevågefjellet t.v.
(Legg merke til det yndige damefjeset i midten...)

Størdalsstauren er som nemnt tidlegare òg post. Eg kjem til å gå frå Stafsnes no i vinter med hovudlykt. I all hovudsak. Du kan òg gå opp Størdalen eller opp egga på vestsida. Det er kortare, men brattare. Du kan òg gå via Fanafjellet/Moldura traktene i aust/søraust.



Fra Høgefjellet_Røyrbotnholten_Moldura_Størdalsstauren_Kultingane 21_220912

Elles ligg Blåfjellet i Askvoll inne på programmet. Her går du opp via Askdalen (men ikkje over brua). Så er det bra sti opp og vestover. Du tek av til venstre i "krysset" under hamrane ved skoggrensa.  

Blegja er fast post kvart år. Eg reknar med å ta meg ein tur opp no til helga og få skifta ut boka. Eg skreiv eit stykke om ruter på Blegja ein gong på "Friluftsliv" på Origo. Eg fann att stykket her for den som er interessert. I same slengen fann eg att ein epistel om Eitrenipa og Fossedalshengenipa.   

Fjelltrimmen for sesongen 2012/2013 ligg då inne med Indrevågefjellet, Stordalsfjellet, Bakkefjellet, Størdalsstauren, Blåfjellet og som nemnt Blegja. Det kan bli mange spanande fjellturar ut av det... Spesielt i vinter med hovudlykt...:-)





Exit Kultingane

Størdalsstauren i går

Reknar med at eg tok siste turen på Kultingane i dag tidleg. Faktisk var eg ganske heldig med vèret. Det skein bra opp, men tok verken med meg mobil eller fotoapparat på den kjappe spring-turen. 

Tydlegvis skulle Barnas Turlag ha tur der nede i dag. Det var kome opp postar på veg oppover. Flott tiltak av Anne-Grethe L som primus motor for denne aktiviteten. At ungane held seg fysisk aktive, og får dette inn frå barndommen av, er viktig. Eg trur dei blir meir opplagde på skulen, lærar meir og blir lettare å ha med og gjere. Spesielt gutane... Ja, det er mest så at leiinga av denne aktiviteten skulle vore lønna av det offentlege! For det er pengar spart å halde ungar og andre i fysisk aktivitet.

Friskt mot

Utsikt mot Yndestad 

Eg kjende meg såpass ovanpå innvortes igjen at eg køyrde igong med Kultingane i dag tidleg. Diverre var eg litt for tidleg ute med omsyn til vèret. Det var meldt bra, men eg fekk sjølvsagt på meg den byga i berre joggeklær og joggesko. No er ikkje dette så lange turen då, så det gjekk heilt fint sjølv om eg vart godt våt. Elles var det både vått og sleipt nede i dalen og oppe i bakkane. 

I går hadde ein heil skuleklasse vore oppom med Vigdis i spissen. Det er flott ungane får litt fysisk aktivitet. Slikt skulle det heilt sikkert hatt endå meir av på skulen. Eg er heilt sikker på at ungane blir meir opplagde og lærer meir når dei er fysisk aktive.

Heime igjen tok eg meg eit par skiver og prata litt med besøk vi hadde fått i hus. Vèret vart etterkvart veldig fint. Dei hadde meldt om det nokre timar iallefall. Så då tok eg turen på Moldura. Då eg plukka ned igjen merkestengene forrige helg, låg det såpass mykje snø oppe at eg rekna med nokre av dei øverste stengene låg nedsnøa. No var snøen vekke, og det stemde. 

Traff denne tøffe gjengen på Moldura i dag

f.v. Espen, Sander, Vigdis, Jakob og Anita

Eg kom forresten akkurat til topps då Vigdis og Anita R med gutane sine kom opp frå sørsida. Vi prata litt, men ein sur trekk frå sør gjorde det fort kaldt. Vi gjekk då ganske fort til kvar vår side av fjellet igjen. No gjekk eg ikkje rett heim igjen då. Eg tok turen vestover til Størdalsstauren med merkestengene eg hadde plukka opp. Fjellet er post frå neste helg av. Eg sette opp stengene nedom der eg slutta forrige helg.

To fine turar var såleis i boks. Så får vi tru forkjølinga er over for denne gong...

Foto Moldura 290912

Størdalsstauren t.h.

Ro

Eg har ikkje tenkt å bruke denne bloggen som noka dagbok over kroppslege lyte, men eg drog på meg ei aldri så lita forkjøling i helga (har ikkje lege med rumpa bar). Eg har difor lete kroppen få fred eit par dagar. Reknar med det er raskaste måten å kome meg ovanpå igjen. Å trasse signala kroppen gir er aldri sunt! I så måte passa det i grunn bra med eit personalmøte etter arbeid i dag òg. Kva morgondagen måtte bringe står att å sjå, men ei anna kribling i kroppen gjer seg nok snart gjeldande:-)

Pendlarbilete

Løvika og Solheimsdalen i dag tidleg på veg på jobb.

Foto Samsung Galaxy 3.

Turn around

På Staveneset kl 06.40 i dag

(sjekk foto forrige blogg)

Vel, vel - den forrige bloggen min skreiv eg visst litt for tidleg i ettermiddag. For eg knytte på meg joggeskorne og sprang på Kultingane i Askvoll etter ein begredeleg fotballkamp. Nesten i sinne over dommaren! Fekk sveitta bra frå meg og kvitt noko gørr. Eg nådde att sola oppe i bakkane mot toppen på ein fantastisk flott kveld. Så då fekk fotball vere fotball... og gløymd var den kampen!

Fjell fekk vere fjell...

Staveneset kl 06.42 i dag tidleg

Eg lèt fjell vere fjell i dag. Så eg tok meg ein tidleg tur på Staveneset før soloppgang for å ta nokre morgonbilder. Nydeleg morgon med frosa bilrute. 

Seinare på føremiddagen tok Peter og eg oss ein båttur. Frisk havluft gjer godt. Så fekk vi køyre motoren litt òg før vinteren. Blikkstille fjord og hav. Fantastisk flott! Vedlagt nokre bilder.

Fra Sjø 2309

Vi ser inn Stongfjorden mot soloppgangen i dag tidleg. 

Omrisset av Skålefjellet i midten.

PC`en er heime igjen...

Høgefjellet i går

Peter lånte med seg pc`en min til Rivedal fredag, og kom heim igjen med den i dag. Eg slær difor i hop turane i går og i dag til eitt album.

I går gjekk eg Høgefjellet og Røyrbotnholten. I dag Moldura, Størdalsstauren og Kultingane. Fire kjempeflotte turar. 

Eit par ord om Moldura i dag. Dei andre turane hoppar eg berre over, og lèt bilda tale for seg. Eg gjekk nemleg før kl 07 frå Stafsnes i dag tidleg. Det var ikkje meir lyst enn at eg framleis skimta nokre stjerner. Og ute i havet var himmelen blå og rosa. Fantastisk! 

Playboy... 
 Størdalsstauren t.h.

Det gjekk ikkje så langt opp gjennom bakkane før frosten låg på marka. Lenger oppe var myrane og vasspyttane frosne. Og oppe mot toppen låg det snø. Knallhard skare etter nattefrosten. Det var som vintradagen. Men på toppen var det reine påskestemninga. Heilt klårt til havs. Nokre skoddeflak i Flekkefjorden. Og knallsol på nysnø! Utruleg fint. 

 Størdalsstauren i dag

Eg plukka med meg refleksstengene som har stått sidan i fjor haust på veg ned igjen. Mange var diverre splintra av Dagmar, andre stormar og sauene som har kneka seg opp etter dei. Det som var nokolunde heilt tok eg med ut på Størdalsstauren. Sidan dette etter alle solemerker er fjelltrimpost for neste sesong som startar om fjorten dagar. Deretter sette eg dei opp igjen ned over lia lenger vest for Stafsnes. Her er det bra sti deler at strekka. Eg har tenkt å bruke den same ruta som for 7 år sidan. No manglar det ein del merking før ein kan gå opp med hovudlykt. Nokre stenger lyt også flyttast, sidan eg ikkje traff heilt då eg kom ovanifrå. Men det får eg ta om fjorten dagar. Elles er det godt mogeleg at eg tek nokre turar til på Moldura før posten blir teken ned. 

Når det gjeld morgondagen, så har eg ikkje bestemt meg endå. Olaug har første pri.   

Foto Høgefjellet_Røyrbotnholten_Moldura_Størdalsstauren_Kultingane 21_220912

Fra Høgefjellet_Røyrbotnholten_Moldura_Størdalsstauren_Kultingane 21_220912

Her er forresten eit par bilder frå Stongfjorden òg i kveld...

Snøslette og væte

Utsyn mot Nordeide. Kalderasnipane t.h.

Etter ein kviledag i går, gjekk eg i dag på Røyrbotnholten og Kultingane igjen. Det minkar heldigvis på desse turane no, etter korleis eg har sett føre meg avslutninga på denne sesongen. Ein tur til på førstenemnde og nokre til på den andre toppen. Første helga i oktober er det slutt. Då er det nye turmål som gjeld. 

På Røyrbotnholten var det ganske så ufyseleg igjen i dag tidleg. Skodde og snøslette, men heldigvis nesten heilt stilt for vind. Så mykje er det ikkje å seie. Det vart det vanlege fort opp og fort ned. Det er ikkje akkurat for mykje flott haustvèr om dagen til å nyte turane. I dag var det i tillegg snø oppe, så det var berre å komme seg ned igjen til ein varm bil. 

Deretter gjekk turen til Nordeide. Eg bestemte meg nemleg for å klyve opp austsida av Kultingane i dag. Rett opp gjennom ein jotne på Smettet, og strake vegen til topps. Rett og slett for å få litt forandring i kosten. Det er ganske så bratt siste stykket opp. 

På Smettet stakk faktisk sola fram eit bèl. Men sjølvsagt fekk eg den byga på meg oppe på toppen. Eg venta berre på det store toresmellet... Heldigvis kom ikkje det. Men gjennomsveitt som eg var, vart det fort kaldt. Så då vart det ei ny peising igjen ned bakkane til bilen. Det fekk vere nok for i dag dette. Fekk heller lage middag til familien og score eit poeng der òg...;-)

Foto Røyrbotnholten Kultingane 200912

Fra Røyrbotnholten_Kultingane 200912

Reprise på reprisen - igjen!

 Røyrbotnholten i ettermiddag...

Eg nytta meg at same opplegget i dag som i går. Reprise på reprisen for å seie det på den måten (men snart er det nye fjell...) Og nok ein gong var eg såpass heldig med vèret at det ikkje kom ein dråpe regn. Faktisk såg eg i sola òg, som bildet inn under viser. Det er rett nok teke i Eidsfjorden, men sola var òg framme då eg gjekk over myrane nordover. Slikt er jo merkbart etterkvart... 

Elles er det vel i grunn ikkje så myke å seie anna enn at det var ein fin trimtur. P.S. Det er tungt å gå delvis oppover i våt myr...

Foto Røyrbotnholten 180912

Fra Røyrbotnholten 180912