Juli i bilder

Så var allereie juli rett rundt hjørnet. Her er ein YouTube snutt med bilder for denne månaden òg frå kanalen min  

God sommar 🌞

Morgon på Nerviknipa

Dagens selfie på Neviknipa

Tunge skyer i aust og over Blegja

Vågane og Flokeneset

Vågane og utsikt mot Svanøy og øyane i Florø

Fin morgontrim på Nerviknipa igjen i dag. Delvis skya og vindstille. God temperatur til å gå i shorts og fleece. Og låge goretex joggesko. 

Til helga er det vel berre å ta imot eit nytt lågtrykk og regn. Men dagen i dag var fin...😄

Dei gamle i Myrane

 

Myrane ved Oslandsvatnet i 1918.

Vi ser Stranda-Lars sitte på steinen midt i bildet.

Alle gamle foto av Paul Stang. Henta frå Fylkesarkivet. 

Anne Kirstine Larsdotter hadde
som livrett sterk kaffi og god
røyk på kritpipa.
Ho døydde i 1922, 91 år gamal

Jakob Osland var boresmed på dam-
anlegget ved Stangsvatnet då
aluminiumsfabr. tok til i 1906

Lars Gundersen Stavestrand
(Stranda-Lars)
Sjå tekst.

Frå folketeljinga i 1910 for Kinn herred kan ein lese at det budde 4 personar i Myrane, Gnr. 111 bnr. 1. på sørsida av Oslandsvatnet. Dette var:

Jakob Andreassen Osland f 1504-1840 yrke. Jordbrugsarbeide og Kreaturstell

Maren Gundersen Osland f 2402-1836 Sengeligende sygeli

Anne Kirstine Larsdotter Oslandsbotten 2907-1829 lidt Husholdning offentlig understøttet

Lars Gundersen Stavestrand f 0305-1849 lit Jordbrugsarbeide

På dei to gardane på Osland budde det 14 personar. På Lien ved Vågeskardet 4 personar. Og i Oslandsbotten 5 personar. I alt 27 vaksne. Ein kan ikkje lese ut frå digitale data kor mange born som budde her, men i følge eit anslag budde det såleis ein stad mellom 50-60 personar her. I dag er det både drift og nybygging på Osland, og garden blir halden fint i hevd. Ein har både sau, geiter og hestar. 

Utsikt til Osland frå stranda ved Myrane - arkiv

Eg har vandra mange gonger langs Stongsvatnet og Oslandsvatnet. Og restane av husmanssplassen i Myrane har interessert meg. Den fortel ei historie. Ei historie som eg synest er vel verdt å ta med seg. For det er faktisk ikkje meir enn godt 100 år sidan det budde og levde folk her under totalt forskjellige kår om ein samanliknar med i dag. Dette kan igjen gje tankar om korleis ein vil leve om 100 år igjen - frå i dag av... 

Myrane 

Den gamle stova i Myrane

Det er særleg Lars Stavestrand, kalla Stranda Lars, eg tenkjer på. Han må ha vore ein særskild person. Han var fødd på Stavestranda i 1849. Faren Gunder Stavestrand var lærar på Askrova og klokkar til Svanøy kyrkje. Han var vide kjend som ein flink songar. Bror til Lars, Ananias, var telegrafist, og var på Skorpa i dei store sildeåra. Lars fungerte då som telegrafbod. Lars arbeidde òg i Grimelid gruver og sidan Viksnes Kobberverk. Etter arbeid både her og der slo han seg ned i Myrane der søstera levde. 

Her i den vesle stova var det trangt om plassen.

Lars fekk difor ha loftsrommet. 

På loftsrommet var det så trongt under taket at han ikkje kunne stå oppreist. Varmen fekk han frå stova gjennom ei luke i golvet. Maten heldt han seg for det meste med sjølv. 

Av natur var han smålåten, stillfarande og nøysam, men ein herda kar. Berrføtt gjekk han frå tidleg vår til seine haust. 

Her sit Stranda-Lars berrføtt -
legg merke til nevane og vèlslitne klede

Når nokon skulle ha hjelp til tungarbeid vart det alltid sendt bod på Lars. Og om haustane følgde han treskjemaskina frå gard til gard. 

Lars sleit og bar mykje ved frå vedaskogen. Også kvistbører til sopelimar. Desse gav ein vekk i byte for mat.

Ein dag kom han ned til bygda og fortalde at det hadde skjedd ei ulukke oppe i dalen. Kva var så dette ville folk vite? 

"Eg kom ovafrå stølsdalen dragande med ein bjørkestrongje, somme tide bar eg somme tide drog eg. Då eg skulde hive strongjen yve garden rykte togenden - so eg bar i kjefta - til og drog ut to tenner på meg". 

Ein vinter Lars skulle til bygda med ei bør gjekk han gjennom isen på Stongsvatnet då han korta vegen over vika i sørenden. Då heldt han på å drukne. Men etter ein dramatisk kamp slo han seg gjennom isen og kom seg til lands. 

Med omsyn til klokskapen så var det mange som tok feil av Lars og trudde han verken kunne lese eller skrive. Såleis hadde han eit arbeid på fabrikkanlegget og bere varer til fjells. Då han kom på kontoret for å kvittere for pengane lurte kontoristen på om han kunne skrive. Men då Lars kvitterte såg dei på han og undra seg over den fine handskrifta hans. 

Bokleg stoff var det lite av på Plassen. Men andaktsbøker og salmebøker hadde dei. Ei bok som Lars tykte om var Berte Kanutte Årflot si bok "Sanger og Salmer". Bladet "Vestlandsposten" hadde dei òg. 

Det er ikkje veg hit i Myrane. På vinterstid var det såleis ikkje alltid like lett å kome seg til folk. Mest omgang hadde dei med menneska i Oslandsbotten og på Osland, der ein fekk bytt til seg noko kvitt til kaffien.  Det er fortalt at ei jul ein kar frå Stongfjorden skulle sjå til dei, bar det opp til nordvest-kuling med snø og hagl, så karen måtte utsette turen til 2. juledag. Då han kom opp til Myrane, sette dei fram steikte geiteribbar til han. Litt etter kjem Lars ned frå loftet og tek til å bale med noko borte ved ovnen. "Kva er det du står og balar med spurde mannen. 

"Å eg står å tina på ein frosen grautabite, han er så hard at tolekniven står ikkje i han". 

Det var maisgraut han tinte på, som han hadde kokt for fleire dagar sidan... 

Dei siste åra Lars levde budde han på Osland. Her døydde han 6. juli 1937, 88 år gamal.  

Når eg stundom set meg ned på ein av dei gamle steingardane her oppe i Myrane, tenkjer eg ofte på livet og folket som budde her. Det gir meg refleksjonar over eige liv. 

Kjelde: Anton Stang Jul i Sunnfjord 1961

Utsikt mot Oslandsbotten frå Myrane 

Den gamle stova der det i si tid budde 5 gamle menneske (1906)

Eige dikt frå Myrane

Stranda-Lars

Den gamle kona

"I Myrane levde dei av nokre geiter og sauer. Dei spøta og sydde for folk. Og selde sopelimar av bjørkeris. Mange av dei som budde her vart gamle. Ane i Myra døydda i 1915, 97 år gamal. Søstera Anne Kristine Larsdotter døydde i 1922, 91 år gamal. Det seiest at livretten hennar var sterk kaffi og ein god røyk på kritpipa. Ane var kjend for å vere mykje nytta til å ta koppeblod av slike som kjende verkeknutar i ledd og lemer. 

Ane hadde ein son, Jakob Osland. Han jobba på jodfrabrikken i 1897 og seinare som boremeister på damanlegget på Osland då aluminiumsfabrikken tok til i 1907. 

Stranda-Lars var bror til kona til Jakob. Berrføtt bar han varer til fjells i anleggstida for utbygginga av elektrisitet til aluminiumsfabrikken. Han var både lese- og skrivefør. Av lesestoff hadde dei andaktsbøker og salmebøker, og bladet "Vestlandsposten". Lars heldt seg med maten sjølv. Ein person frå Stongfjorden som vitja Myraplassen ein 2.juledag har fortalt at Lars då stod og tinte på frosen graut. "Han er så hard at tolekniven ikkje står i han" vart det sagt..." 

Frå Stangfjordalbumet

Osland arkivbilder Vimeo

Turstiar og stadnamn kring Fossedalen

Foto frå Nonsholten på Heileberget mot nordaust 

Foto frå Fossedalshengenipa mot aust

Foto frå Eitrenipa mot nordvest 

Foto frå Eitrenipa mot vest

Nokre foto med stiar rundt Fossedalen - inkludert nokre stadnamn. 

Eg har fått spørsmål om turar og ruter rundt Fossedalen i det siste. For som vi veit er det mange fine tur-alternativ her. Men mange stiar/ruter er ikkje merka. Dette skuldast nok fleire ting. Mellom anna relativt lange ruter og relativt få turgårar. Dessutan manglande godkjenning frå grunneigarar. I dag er det DNT-merka rute til Fløyen på Heileberget frå Otterstein. Dessutan til Brendeheiknappen i Nedre Fossedal. Frå Brendeheiknappen er det merka vidare til Massbu. Stinettet frå Massbu til Nipebu er òg DNT-merka. Elles frå Nipebu til Stongfjorden - dog med varierande vedlikehald. 

Ovanfor har eg teikna inn stinett i området der det er ganske greitt å ta seg fram utan merking. (Bilda er i høg oppløysing og treng litt tid å laste). Eg kan alltid stå til disposisjon ved spørsmål. Legg elles ved nokre linkar til foto av fjell og terreng kring Fossedalen. 

Kringla N&S

Fossedalshengenipa

Eitrenipa

Brendeheiknappen 

Blegja 

Heileberget 

 

Lett regn og ein million fluger

Lett regn på Nerviknipa i dag

Vi ser ned att i Vågane

...og mot Flokeneset og Førdefjorden

Nokre lette regnbyger og ein sverm med fluger følgde Olaug og meg på Nerviknipa i Flokeneset i dag tidleg. Vi kom oss opp og ned før det skikkelege regnvèret sette inn rundt kl 13. Flugene har blitt eit herk no. Det verste er å få dei i halsen! Men elles irriterande når dei kryp rundt i håret og elles overalt på bar hud. Ok - det er sommar - og noko ein berre må vende seg til. Trimmen var iallefall topp 😅

Fantastiske Kinnaspelet

Mykje folk samla på vakre Kinn i dag under Kinnaspelet

Avslutning

Ein utflytt daling har vore med i mange år...
Her Agnes Alisøy i lag med Sillan, Tiril, Olaug og Tone

Tiril og Olaug skein som sola

Ja, vi kunne vel ikkje fått ei flottare ramme rundt 40-årsjubileet til Kinnaspelet og "Songen ved det store djup" enn det vi hadde i dag. Sola skein frå nærast skyfri himmel! Og nordavinden var av det spake slaget. Saman med Tiril, Olaug og underteikna, var Sillan og Tone. Og 25-30 andre personar frå Askvoll. Ei heil båtlass var elles med Bergensbåten då den kom til Askvoll og tok oss med vidare nordover til Kinn. 

Sjølve spelet starta kl.13.10. Og handlinga kan du lese litt om her. Det var utruleg bra. Etter kva eg hugsar var over 160 personar involverte i spel og musikk. Elles imponerande logistikk med båtransport frå Florø og billettar. Og for ikkje å snakke om matsalet etterpå. 

For å gjere ei historie kort så hadde vi ein utruleg flott dag der vest i havet. I lag med fleire tusen andre. Sol i bakkane, matykt og nydeleg utsikt. Knallbra! På linken under ligg det ein del mobilfoto.

Mobilfoto (frå litt avstand) Kinnaspelet 210625

Stolpejakt 25 (18.mai - 15.juni)

Olaug og Olina i Rivedal på stolpejakt - 22.mai

Håvard og Olaug i Melværet på Værlandet 15.mai

Brurastakken 12.juni

Fantastisk steingard på Arstein 25.mai

Under Tormodgrotta mellom Skorvestølen og Selvikestølen 20.mai

Etter å ha fullført alle postane på Stolpejakta i Fjaler og Askvoll (samt i Skjolden) er det tid for eit lite samandrag. Så eg har laga ein liten bildelink av turane. 

Etter kva eg ser på totalen har Olaug og eg vore innom 207 stolpar. Så langt. Dei fleste relativt enkle langs greie ruter og vegar. Andre litt høgre i terrenget på "nye" stiar. Spesielt i Kvammen området (rundt Fesselia og Selvikestølen) stod somme stolpar høgre til fjells, og litt meir utfordrande å finne (Tormodgrotta ovanfor var stilig 😄) I tillegg består Askvoll Stolpejakta av område i Rivedal, Holmedal, Stongfjorden, Askvoll sentrum, Atløyna (Brurastakken, Sauesundet, Høyvika), Stongfjorden, Bulandet og Værlandet (156 stolpar). I Fjaler har vi vore i Dale sentrum, Straumsneset, Fredensborg, Haugland (51 stolpar).

Det har stort sett vore veldig flott ver og temperatur. Mai var kjempeflott! Fleire av rutene hadde eg ikkje gått før. Vi har funne det veldig kjekt og sosialt å vere med på dette. For du treff alltid folk i same ærend og kan slå av ein prat. Som eit substitutt til dei vanlege fjelltrimpostane som ligg ute, og TiTur Dalsfjorden. Det er berre å gå i gang med Stolpejakta (sjå link) - last ned appen på mobilen og scann i veg 😎! God tur!

Stolpejakt 18.5-15.6 (nokre foto)

 

Lyst på Kinnaspelet?

Foto frå Teater Vestland si side 

Vi har vore så heldige at vi har fått Bergensbåten som skal til Kinn på Kinnaspelet 21/6 til å gå innom Askvoll for å ta med tilskodarar til spelet! Flott gjort 😊Avgang Askvoll ca. kl 11.00 med retur frå Kinn kl 17. Så her er det berre å kjenne si besøkstid. Nærare info blir gitt når tidspunktet for spelet nærmar seg. 

Kinnaspelet 2025

Billettar