April - klipp

April er like om hjørnet - her er nokre bildeklipp frå denne månaden. Nokre frå Bergen, Fossedalen, heime og fjellområda ikring. 

Fin tur i Liavika og Lia

I solveggen på den gamle fjøsen i Lia.

Glimrande tur på Hekkelfjellet

God stemning på Hekkelfjellet

ds

På veg inn dalen til Kleppenes-/Bogestølen og Bakkestølen

Broddane må på...

I dag gjekk turen til Holmedal. Og den flotte turruta til Hekkelfjellet. Via Kleppenes-/Bogestølen og Bakkestølen. Og opp dei bratte bakkane. Vidare inn platået mot toppen. Vi som var med var broder Sigvard, Olaug, Sissel, Velaug og underteikna. 

Vèret var strålande. Sol frå skyfri himmel, og særs god og to sifra temperatur. Men ein relativt sterk nordaust vind tok bra inne mot toppen. 

Damene og Sillan skein visst om kapp med sola. God stemning med andre ord. Flott sosial tur. Turen vart forøvrig avslutta med ein tur på loppemarked i Holmedal samfunnshus. Og vask av bil i Askvoll. Glimrande vårdag 😎 

Foto Hekkelfjellet 220325

Flott "Påsketur" 2

Ved Svartevatnet

Ved Mangevatna - Toreheia i midten oppe og Yndestadhøgeheia t.h.

På Blåfjellet 

Grimelia

Vi fekk besøk av Sillan og Tone i dag og saman køyrde vi til Grimelia og gjekk på Blåfjellet. Opp den merka ruta via gruvegangane. Litt vått i midtpartiet. Men som planlagt heilt snøfritt. Strålande solskinn, men ein relativt kald trekk frå nordaust. 

Vi tok oss ein liten pause på Blåfjellet. Men bestemte oss for at vi tok sjølve matpausen nede ved Svartevatnet. Her var det mindre trekk i hytteveggen. Her varma sola faktisk godt i kjakane. Returen gjekk vi via Rinda og heim til Yndestad. 

Dette er ein flott tur. Passeleg for oss pensjonistar. Og utan å bruke heile dagen. Vedig kjekt og sosialt med broderen og Tone på besøk.      

Foto Grimelia Blåfjellet Yndestad 160325

Flott "påsketur"

 

Stongfjorden
Toreheia og Yndestadhøgeheia t.v. Blegja t.h.

Mot Granesundet i Askvoll

Alden og Heggøyna m.m

Øyane i Florø

I dag passa det endeleg med ein trimtur på Høgeheia igjen. Absolutt høg tid for å brenne av nokre kanariske kaloriar! 

Eit par minusgrader gjorde stien delvis frosen oppover før sola fekk tak. Men du verden kor fint det vart då den fekk tak! Glitrande! Og vindstille. Det låg eit lite snødryss oppe ved toppen der sola ikkje hadde fått tak. 

Vart ganske overraska då eg traff eit fransk par då eg var komen ned igjen mot Holevika.  Eg slo av eit liten prat på engelsk. Fransken min er ikkje det den ein gong var 😂Dei hadde sjølvsagt aldri vore her før. Koseleg!