Dokka in memorandum

Holmedal og Straumsnes

Frå Dale - Dokka t.h.

Eg kom så godt i gang med eit tilbakeblikk på fjelltrimsesongen på Eitrenipa for 7 år sidan at eg like godt tok med meg Dokka i same slengen. Den står òg på programmet for komande sesong.  Med desse to favorittane mine på programmet, er det kjekt å mimre litt. 

Alle desse turane tok eg på eigahand. Og nesten alle gjekk opp ranen. Ein enkel og rask veg opp. Denne sesongen starta eg seint på turane sør på (Stølsfjellet, Hjartåsen og Dokka) då vinteren og mørketida for det meste gjekk med til Eitrenipa og Høgeheia på Staveneset. 

9. april 09 Dokka i skodde

10. aptil 09 Som seinhaust

12. april 09 Påskeharen

14. april Vårdraum på Dokka

19. april 09 Tidleg morgonstund

21. april 09 Dokka opp

22. april 09 Nydelege Dokka

23. april 09 Hat trick

25. april 09 Sevja stig (inkl Eitrenipa)

26. April 09 Einerkavar og vindmøller

28. april 09 Full tenning 

3. mai 09 Trippel glede (inkl Stølsfjellet & Hjartåsen)

9. mai 09 Berre eg ser Dalsfjorden (inkl Stølsfjellet)

15. mai 09 Vi to

21. mai 09 Stille Kristi Himmelfartsdag (inkl Stølsfjellet)

24. mai 09 Vandalar på Dokka (inkl Stølsfjellet)

28. mai 09 Havskodda driv fort

31. mai 09 Livgjevande strålar (inkl Stølsfjellet)

2. juni 09 Iskald på Dokka

4. juni 09 Så lett så lett

10. juni Panorama til onna

15. juni Roundabout (Inkl Stølsfjellet og Hjartåsen)

18. juni 09 Heimelaga brød gir krefter  (inkl Stølsfjellet)

23. juni 09 Vellukka Jonsok

30. juni 09 Sommarregn på naken hud (inkl Stølsfjellet)

5. juli 09 Perfekt temperatur (inkl Stølsfjellet & Hjartåsen)

10. juli 09 Kald avrivning

19. juli 09 Meir vatn

3. august 09 Ein smak av sommar

15. august 09 Tidleg ein morgon

18. august 09 Seinsommar

21. august 09 Trim med utsyn

23. august 09 Haust på Dokka

2. september 09 Skodde og blautt på Dokka

6. september Øs pøs

9. september Uventa feriedag (inkl Stølsfjellet)

13. september Det klårnar

15. september 09 Eit lite jubileum

29. september 09 Vidunderleg haustmesse

2. oktober 09 The last Waltz

Ei runde sør om

 Holmedal

Ovanfor Brekka i Gjerdedalen

(mobilbilder)

Skålefjellet Siklabergvatnet Mannskaret 220915

Ingen fjell i går. I staden tok eg meg ei handlerunde til Førde. På ettermiddagen vart det gebursdagsfeiring. 

I dag venta vi middagsbesøk. Så då tok eg tidleg avgarde. Var tenkt meg på Moldura og Størdalsstauren. Men då eg parkerte bilen på Neset, traff eg Ansgar Bjarne på tunet, og han kunne fortelle at det låg hjortejegerar oppe i terrenget. Så då køyrde eg inn att i Gjerda i staden. Runda vart difor om Skålefjellet, sør til Siklabergvatnet, og opp igjen til Mannskaret. For deretter å returnere den merka stien til Stongfjorden. 

Flott tur, sjølv om sola uteblei. Men i dag såg eg ingen sauer. Hadde kanskje trekt ned i låglandet i det dårlege vèret siste dagane....

Ei kosestund i kråa...

Eitrenipa 9/11-08

Eitrenipa står på programmet igjen for komande fjelltrimsesong, så eg tok meg ein trip down memory lane... På sett og vis er det vel eit gamalmanns trekk å sjå bakover i tid i staden for framover. (Men no tek eg meg sjølv ikkje så høgtideleg). Og utgangspunktet mitt var nok ikkje å mimre så mykje med bloggen før eg sat på heimen, men med Eitrenipa får det no so vere. Det er favorittfjellet mitt i Askvoll.  

Frå sør og Nordre Kringla

Frå nord og Leknesvatna

Frå vest og Krokavatnet

Frå aust (t.h) og Blegja

Alt har si tid heiter det visst. Så også med å springe fjell. Og på mange måtar er eg glad for at eg har roa meg ned litt i sofaen heime. Kan sove middag for den del, utan å måtte renne på fjellet. Klisjèn er nok å finne ein balanse med det ein driv med. For mykje av det gode er sikkert ikkje bra det heller. Det kan jo gå mani i ting òg. Om så er tilfelle med serien under kan sikkert diskuterast. Spøken var jo på denne tid at ein kunne risikere at det  kom folk i kvite frakkar og henta ein.... Under er iallefall turane på Eitrenipa sist det var fjelltrimpost. (Eg treng vel ikkje ile til for å seie at eg har vore her etterpå òg...:-)

5/10-08 Eitrenipa (med Vigdis)

18/10-08 Våt-våtare-våtast

1/11-08 Utfordrande vintertur

8/11-08 Kong vinter tok ferie

9/11-08 Eventyrstund

15/11-08 Fosselandskapet

16/11-08 Ein dobbel Eitrenipa - igjen

22/11-08 Ei kraftprøve

29/11-08 Oss fjellbukkar

6/12-08 Magisk vinterdag i fjellet (med Agnar)

Agnar på Leknesvatna

13/12-08 Lufte vitet

14/12-08 Blodslit og stabeist

22/12-08 Indre dialog

24/12-08 God jul

27/12-08 Vintereventyr (med Vigdis)

28/12-08 Magisk augeblikk

Steinkald og forfriskande romjulstur

1/1-09 Godt nytt fjellår

4/1-09 Iskald glede

25/1-09 Forførande solbada idyll

31/1-09 Vinter og påskestemning

1/2-09 Blåfrosen galskap

Eit frose inferno ved Eitrefossen

7/2-09 Steinkaldt forførande

8/2-09 Glitrande glede

14/3-09 Gjennom skjærselden

19/3-09 Påskekjensle

21/3-09 Blindeføre

28/3-09 Draumetilhøve ved Nipebu

4/4-09 Kvite vidder (om Blegja)

7/4-09 Nok ei prøve

8/4-09 Ein smak av påske

11/4-09 Godt tima

13/4-09 Perfekt påskeavslutning (med Vigdis)

Påsketur med Vigdis

18/4-09 Herleg og farleg (om Blegja)

25/4-09 Sevja stig

27/4-09 Sommarvri

1/5-09 Den lengste turen (om Blegja)

16/5-09 Herlege vårvindar i fjellet (med Sillan og Ida om Blegja)

Sillan og Ida

23/5-09 Livet er herleg (med Olaug)

Med fruen

30/5-09 Fossande, sildrande draumar (om Blegja)

1/6-09 Orrespel og eventyr

6/6-09 Frå sommar til vinter (om Blegja)

7/6-09 Familietur på Eitrenipa

Ein heil bunch

13/6-09 Gamalt Fjalerland (via Fossedalen)

17/6-09 Fjell, skule og fjell

27/6-09 Nattrangling

28/6-09 Magisk krevjande (via Fossedalen og Blegja)

2/7-09 Super sommar

Lett poserande...

11/7-09 Morgon på Eitrenipa (med Vigdis)

Fin utsikt...

18/7-09 Tre fjell

1/8-09 Ei fredeleg stund

9/8-09 Min ven Eitrenipa

29/8-09 Morgontrim

+ to turar eg har hoppa over i farten....

Ja, ja så slik er det. Kjekt å sjå tilbake på. Eitrenipa står der oppe akkurat på same måten i dag som då (eg glytter opp kvar dag når eg køyrer forbi).... Men nokre nye vardar sette eg opp hi helga. Litt eldre i skinnet er vel vi levande. Men  kva som skjuler seg under topplokket er nok det viktigaste. Uansett er det dagen i dag som tèl...!  Og akkurat den kjem aldri meir att....

Nye postar på fjelltrimmen...

Soloppgang på Eitrenipa 28/12-08
(då fjellet var post på fjelltrimmen sist)

Det blir lagt ut nye postar på fjelltrimmen i Askvoll 11.oktober. Samtidig blir dei gamle tekne ned. Dei nye ligg ute til oktober 2016.

Underteikna kjenner desse fjella godt. Og vedlagt ligg YouTube-bildeseriar om nokon er interesserte. Fjella er greie å gå sommarstid. Men om hausten og vinteren kan forholda vere utfordrande. Eg vil spesielt nemne Eitrenipa og rutene frå nord via Leknesvatna (som er den naturlege vegen frå Askvoll) og frå Dale-sida i sør gjennom Fossedalen og Eitreskaret. (Frå aust og frå Blegja/Blåegga er det ingen som går om vinteren). 

Snøforholda er ofte heilt annleis her oppe enn i låglandet. Ikkje sjeldan ligg det skare og is i dei bratte skara. Spesielt i det øvste skaret der rutene frå nord og sør møtest.  Det kan vere direkte farleg å ta seg opp om du ikkje har rett utstyr. Så du bør vere ekstra obs om du vil gå under vinterforhold. Unnasols som denne sida av fjellet også ligg om vinteren. 

Første skåra frå høgre mot venstre

Andre skaret frå nord opp t.h.
(Brattare i det tredje)

Det er ikkje ufarleg på Eitrenipa om vinteren....
(ved siste oppstigninga i det tredje skaret)

Eit anna punkt er opp strengen ved Eitrefossen. Området rundt er dessutan ofte isa på av drèvet frå fossen, og ein treng broddar (eller stegjern). 

Strengen opp ved Eitrefossen

Det ligg ofte is ved Eitrefossen

Eitrenipa frå vest i påskeskrud
(skara frå nord og sør møtest midt på fjellet ca 70 meter under toppen)
(dei to skårane t.v  under toppen er òg mogelege å gå opp)

Toppartiet av Stølsfjellet i Rivedal kan òg vere litt tricky om snøforholda er vanskelege. Likeeins kammen opp Dokka, men her er det greitt å gå om Nyksvatnet om forholda tilseier det. Høgeheia og Hjartåsen er flotte å gå på heile året, lægre og lenger ute ved kysten som desse ligg. 

Eg kjem heller ikkje i år til å konkurrere på fjelltrimmen, grunna arbeidstida mi, pendling og familie, men stikk oppom toppane ved høve. Ha ein fin ny fjelltrimsesong. Og framfor alt  "take care"!

Blegja (frivillig)

Du store mi tid....

...for eit lys det vart her oppe på fjellet i kveld. Eg tok nemleg trimrunda heime i frå til Krikavatna, Skylefjellet og Mangevatna, og fekk oppleve ein praktfull solnedgang. I tillegg spegla den låge sola skyene i alt slags varme fargar. Og landskapet låg bada i gull. Det var magisk. Og eg heldt aldeles på å gløyme meg vekk av at mørket seig på nede igjen på skuggesida. Fantastisk!

Foto Krikavatna Skylefjellet Mangevatna 220915

Stølsfjellet, Rivedal 2015

Ser at Stølsfjellet i Rivedal er ein av postane på fjelltrimmen i Askvoll frå 11. oktober og til oktober 2016. Eg sette difor i hop ein bildeserie her i frå, då eg tidlegare har samla fjellet ilag med nokre andre i ein litt for stor samlesekk kalla Rivedalsfjella. 

Bilda er stort sett frå forrige gong fjellet stod på programmet, og er prega av haust og væte.... 

Moldura Fanafjellet Siklabergvatnet Skålefjellet

Første solstrålane heime

Sol heime....

Eg gjekk opp att mykje av same runde i dag som forrige lørdag under sauesankinga. Starta frå Neset kl 08. Sola var ikkje stått opp på nordsida av fjorden, men heime var det allereie sol.... Ein nydeleg haustmorgon. 

Ein ting merka eg meg fort. Det var veldig vått i graset. Angra ganske kjapt på at eg ikkje tok på meg gamasjane. Buksa var snart våt til opp under knea. No er likevel denne softshell buksa frå Arxteryx slik at ho tørkar fort opp igjen. Men goretex-gamasjar hadde gjort seg. Greitt å ha i bakhovudet framover.  

Etter ein times tid nådde eg opp på toppen av Størdalen, rett vest av Moldura. Og omlag nett på same plassen som lørdag gjekk det 16 sauer. Rett etterpå såg eg endå nokre litt lenger sør. Truleg er det to eigarar av desse iflg. tlf.samtale. Eg gav meg sjølvsagt ikkje inn på å få desse til Holmedal. Det hadde vore døfødt. Eg toppa deretter ut Moldura frå vest, gjekk over toppen og ned att på nordsida. 

Sauene står midt i bildet t.h. for vatnet

Vidare over Fanafjellet, der eg hadde godt utsyn ned i Fagredalen, og mot Mannskaret var det ingenting å sjå. Sauene som gjekk her er komne heim igjen. Men inne ved Siklabergvatnet gjekk det 7 stykker i bakken rett ovanfor vatnet. Desse gjekk ned att mot Holmedalssida og samla seg med nokre andre vest om Hekkelfjellet. Eg har gitt eigaren beskjed om at dei går her. 

På min faste plass:
Godt med ei skive med spekeflesk ved Siklabergvatnet..
Moldura i bakgrunnen.

Aust om vatnet tok eg ruta nord retning Skålefjellet. Eit stykke oppe i bakkane her fann eg mykje ull. Og etter å ha gått litt rundt fann eg klaven, bjølla, og gps sender i lyngen. Deretter kjeven på ein sau. Resten av beingrinda fann eg ikkje. Etter alle solemerker kan ein iallefall registrere eit tap her. Bjølla og resten tok eg med meg i sekken heim igjen.... 

Eg har fleire gonger tenkt på villsauene som går i fjella her sør. Sauer som ikkje har vore mogeleg å få heim igjen. Eg trefte dei i fjor. Og forsyne meg fann eg dei i år òg. For det gjekk 8 beist rett sør om toppen på Skålefjellet. Desse er nesten så sky som hjorten, men jammen greidde eg å kome ganske så nær dei i dag. Ja, dei stoppa faktisk opp då eg kalla. Eg gjorde eit forsøk på å avskjere dei sørover og få dei nedover mot Skålefjellsvatnet og mot Stongfjorden, men det var sjølvsagt klin umogeleg. Iallefall med 5 timar gange i føtene... Så eg rusla ganske roleg ned att mot stien, og den vanlege trimløypa ned dalen til Stongfjorden. 

No får vi sjå om ikkje det blir ettersanking neste helg. Denne helga gjekk visst vekk for somme. Ikkje det - sauene har flott beite i høgda sikkert lenge endå pga den seine våren og snøen som har lege lenge...

Ekte villsauer ved Skålefjellet

Sjølv om sola for det meste forsvann i løpet av dagen, var det ein nydeleg tur i fantastisk haustvèr. Blikkstilt på toppane. Herleg! Og heime igjen passa det utmerka med årets første fårikål middag....

Heimatt video

Villsau1 video

Villsau2 video

Foto Moldura Fanafjellet Siklabergvatnet Skålefjellet 200915

Toreheia_Ytrevågefjellet 160915

Eg gjekk turen om Rinda, Krikavatna, Toreheia, Ytrevågefjellet og til Osland heime frå etter jobb i ettermiddag. Veldig greitt å sleppe og køyre nokon stad for å gå på fjelltur! Det heldt greitt med lyset. Men ikkje så mykje meir.... I flott temperatur, delvis sol og ganske tørt i lendet vart det ein kjempeflott tur. Fin trim. Og så fekk eg rapportert litt om stoda ikring sauene som går der oppe... Slikt blir alltid sett pris på.

Foto Toreheia_Ytrevågefjellet 160915