Morgontrimmen

Vågane og Flokeneset i dag tidleg

Dagens selfie

Utsikt mot aust - Gjelsikefjellet og Blegja t.h. i bakkant

Svanøy og Florøbassenget i bakerst

Morgontrimmen gjekk i dag opp igjen i Vågane og til fjelltrimposten på Nerviknipa. Fin tur i delvis morgonsol. Men det var noko vått. Og spesielt oppe i dei bratte hamrane var det glatt etter alt regnet. Så eg brukte vel faktisk meir tid ned igjen enn opp. Greitt gjekk det no med litt varsemd.... Uansett er det ein fordel at det er tørt på berga her oppe. Fint at det er strekt tau på fleire plassar. Godt jobba!

Fin TiTur start

Det er tidleg vår i år - 
mange flotte og gamle murar ovanfor Sandvika på ruta frå Askdalen

ds med solid helle i muren

foto mot Stongsvatnet på ruta mellom Stongsåsen og demma -
Osland t.v. Portafjellet i midten i bakgrunnen

Det har vore ein fin start på TiTur Dalsfjorden i helga. 14 dagar tidlegare enn vanleg. Veldig bra. Sidan våren for lengst er komen. Sikket ein månad tidlegare enn "i gamle dagar". Så inn mellom påskeforberedelsar og gebursdag har eg teke postane på Stongsåsen og den Under Blåfjellet i helga-  lag med Olaug. Begge lette postar for både liten og stor. 

No gjenstår 8 postar. Eit par av dei litt lenger. Dei vil vi fordele ut å ta etter som det høver seg. Det er eit flott tiltak med Titur Dalsfjorden. Som varer frå 12.april til 12.oktober. Postane finn med beskrivelsar finn du her på ut.no, og under frå FB sida 

Setekletten på Atløy.

Under Blåfjellet i Askvoll.

Storekletten i Holmedal.

Rivedalskletten i Rivedal.

Stongsåsen i Stongfjorden.

Jøtelshaugen i Dale.

Nedgardsstølen på Straumsnes.

Ekrenova på Haugland.

Stavsdalen i Flekke.

Brendåsen på Fure.

Nydeleg tur til Gjelsvikefjellet

På Gjelsvikefjellet i dag

Utsikt til Blegja og Keisarlivatnet ovanfor Gjelsvikestølen

Utsikt til Førdefjorden og Engebø

Selvikestølen

Nydeleg tur til fjelltrimposten på Gjelsvikefjellet i dag tidleg. Turen gjekk via Fesselia, Selvikestølen, Gjelsvikestølen og opp til toppen på 663 moh. AHIL har fjelltrimpost her denne sesongen. Det var ein flott morgon, delvis skya og lite vind. Ganske tørt heilt vegen no. 

Eg hadde meg ein god pause nede på Gjelsvikestølen igjen. Her er det nydeleg utsikt til Blegja og Eitrenipa, Trollevatnet og Keisarlivatnet. Og sola heta ganske så godt i stølsveggen. Herleg tur! 

Foto Gjelsvikefjellet 090425

Morgon på Nerviknipa

Fin morgontur på Nerviknipa i dag i lag med Olaug, Velaug og Sissel. Det er fjelltrimpost her oppe.Tindrande morgonsol og blikk stille. Ja, heilt til havs. Elles parti med litt væte. 

Det er nydeleg utsikt til Flokeneset og Førdefjordsida på denne ruta frå Vågane. Elles traff vi to jenter på veg ned og to på veg opp. Sosial og kjekk tur med damene...😎

Laange Askdalen til Jamneheiane

Dagens Jamneheiane - Furefjellet på Staveneset i bakgrunnen t.v.

Utsikt til havs - med Alden og Hovden t.v.
Heggøyna midt i bildet, Smelværet og Staveneset mot høgre

Nedstigninga til Fismavatnet. Jamneheiane t.v.
I bakkant midt i bildet ser vi Toreheia i Stongfjorden

I Askdalen

Etter to dagar med jogging, gjekk det trått inn Askdalen i dag. Spesielt opp den bratte bakken i nordenden av dalen, ned til Fismavatnet og opp til fjelltrimposten. Føtene var visst ikkje heilt i form. Og pusten deretter😅. Vel, i det fantastisk flotte vèret, rett nok med ein sur nordavind, vog jo dette opp for manglande krefter. Til tider måtte eg ta meg i hop for å følge madamen 😂Og når det i tillegg kom du kjende damer i mot nedatt måtte eg ta i litt ekstra 😃.

Vel, vi kom oss no opp og nord til posten. Greitt nok til tross. Og fekk i oss ein matbit og ein kopp kaffi. Ei stor plate melkesjokolade fekk føter å gå på. Det gjorde underverk - for ned igjen dalen til Askvoll gjekk det rimeleg greitt. Flott, men litt slitsam tur...