Krattrydding 2

Området frå hi sida av fjorden. Det raude huset midt i bildet er vårt.

Krattryddinga ned t.h.
(P.S. bilde frå i haust)

Som tidlegare nemnt har eg halde på med å rydde kratt på sjøsida i bakkane nedanfor huset. (Olaug nemnde forresten i går om det var eit livstidsprosjekt eg heldt på med...:-) Men no nærmar det seg slutten. Resultatet får eg ta bilde av seinare. Men om eg torer å fyre opp dei jonsokbåla eg no har sanka i hop veit eg ikkje. Uansett har det vore greitt å fått brukt kreftene på noko anna enn å gå bakkar. Vel, det har no blitt gange opp og ned bakkar her òg, men ikkje fjell iallefall. Maks 50 moh er kanskje ikkje noko å slå i bordet med i desse tider då moh er det viktigaste målet for aktiviteten.... Det som betyr noko er no trass alt å kome seg ut og i aktivitet for oss som slit kontorstolen heile dagane. Eg kan garantere at du blir både sveitt og trøtt av krattrydding...:-) Ja, og så ser du no att kva du har brukt energien på òg...!

Kontrastar

Fantastisk skiftande vèr i dag. Som eit resultat vart det utrulege kontrastfargar i blått kvitt og svart, men heime er no plenen grøn då...i det minste. For jammen var det kome 10-15 cm med nysnø igjen oppe på fjellet i dag. 

Eg kjøpte meg ny Fiskars ryddesaks hi veka. Den har eg som nemnt brukt ein heil del i bakkane mot sjøen her heime. I dag tok eg den med meg på Rinda, og rydda ein del greiner langs stien ned igjen og heim. Saksa er så god er det er moro å rydde kratt no... For å få litt mosjon var eg først ein tur oppom Skylefjellet. 

Skylefjellet 260415

Dugnad Otterstein/Fossevika

Solid dugnadinnsats på turstien frå Otterstein til Fossevika i dag. Mykje flytting av stein og steinlegging. Diverre var vèret ikkje av det beste. Litt surt og kaldt, men regnet gav seg egentleg ganske fort då vi starta i 10-tida. Likevel var det ganske blautt og skite i stien då den består av mykje jord og mold. Vi konsentrerte oss difor som nemnt om å legge og flytte stein. Ei fin ykt med ein fin gjeng. Stien blir som tidlegare nemnt opna 31/5 i regi av Indre Sunnfjord Turlag.

Foto dugnad Otterstein/Fossevika 250415

Krattrydding

Dale frå Heileberget

Inn fjorden frå ruta til Heileberget

Fossedalen med Fossedalsvatnet frå Kystarvstien til Heileberget med Laukelandsfossen t.h.
Fjella er f.v. Eitrenipa, N&S Kringla, Blegja, Storehesten og Laukelandshesten

Broderen på stien i fjor. Bak Eitrenipa, N&S Kringla

Utsikt frå den nye stien mot
Laukelandsfossen og Laukelandshesten

Skilting på den nye stien

Denne veka har eg hatt meg nokre kveldsøkter med rydding av kratt i bakkane ned mot sjøen her heime. Det veks skrekkeleg til. No plagar ikkje dette den vanlege utsikta frå huset, men frå kanten av plenen er det no betre utsikt til sjøkanten ca 50 meter nedom. 
Det er god mosjon i dette. Ein blir godt sveitt av klipping og saging av kratt og tre. Det gjer godt for overkroppen når ein elles sit i ro på jobb det meste av dagen. 

I morgon satsar eg på å vere med på dugnad på stien frå Otterstein til Fossevika. Det gjenstår litt plukk. Den offisielle opninga er 31.mai. Noko som er lagt inn i turkalanderen til Sogn og Fjordane turlag. 

Knall helg

Sander og Nikolai

Sander, Nikolai og Andreas

Vilde og Lene

Hanna og Tor Ivar

Amalie, Vilde, Lene, Nikolai, Sander

Kristine, Lene og Vilde

Sondre, Live og Ingebjørg

Sander og Margunn

Mamma, Amalie, Ingebjørg

Kristine, Andreas

Live

Hanna

Nikolai, Sander

Vilde, Lene

Vi feira gebursdagar for barnebarn og svigersøner i Førde både fredag og lørdag. Full pakke med andre ord. Det er sjølvsagt triveleg å treffast alle saman i slike lag. Mykje kaker og liv. Ovanfor er eit lite utval bilder eg tok. Dei fleste med mobilen, så kvaliteten er ikkje den beste, Men likevel... Det ligg fleire bilder på vedlagde link.

Gebursdagar april 2015

Mamma vart med heim igjen til Stongfjorden etter den andre feiringa på lørdag. Ho ville ha med seg samtalegudstenesta for konfirmantane i Askvoll søndags-ettermiddagen (Peter er konfirmant) 24.mai. Vi tok oss då ein tur på Staveneset på føremiddagen, og gjekk litt der ute. 

Stongfjorden i går morgon

Stongfjorden

Staseleg kar på Staveneset

Staveneset

Med Olaug og mamma på Staveneset

Mamma, Olaug og Peter

Peter, Olaug og mamma

 Tur på Staveneset med mamma 190415

Årets lam kosar seg i vårsola

Etter at seansen i kyrkja var over, tok eg med meg semifinalen i FA-cupen frå England på TV, før eg gjekk den fantastiske trimruta mi heime i frå til Yndestadhøgeheia, Toreheia og Skylefjellet. I berre joggesko! Ei flott kveldsøkt som avslutta ei minnerik og flott helg! Ja, reint takksam følte eg meg då eg kom heim att i kveldinga. 

Konfirmanten var medhjelpar i kyrkja!
Foto:Kyrkja i Askvoll

Utsikt heim igjen til Yndestad

Og Stongfjorden

Flott utsikt til ruta eg gjekk lørdagsmorgonen.
Opp t.h. på Moldura, austover til Fanafjellet mot midten, og opp på Svarthamrane midt i bildet til Skålefjellet t.v. Nedatt mot midten av bildet til Gjerdedalen. 

Skylefjellet i går kveld.

Utsikt mot Krikavatna og Toreheia (bak)

Kveldsstemning ved Mangevatna

Heime igjen til Yndestad t.h. i bildet

Yndestadhøgeheia_Toreheia_Skylefjellet 190415

Kalde vindar

Foto Moldura_Svarthamrane_Skålefjellet 180415

I dag gjekk eg den flotte turen frå Neset til Moldura, og aust til Svarthamrane og på Skålfjellet. Ei flott runde dette som tek passeleg lang tid. Ein 4 timar cirka. 

Det er egentleg full vinter i fjellet endå. Iskald vind på toppen av Moldura. No var eg tidleg ute der oppe då, men likevel.... Heldigvis hadde eg bra med tørre og gode klede med meg. Til og med beste vottane mine måtte fram. 

Ja, så gav sola seg. Dukka inn i ein halo. Det vart ikkje nett mildare av den grunn.  

Nei, det var i grunn ok å kome ned igjen i Gjerdedalen. Der song iallefall måltrasta og bokfinken. Oppe i vinteren var det lite teikn til liv. Men trimmen var iallefall i boks. 

No er det til Førde og feire meir gebursdagar av barnebarna mine. To dagar til ende..... Og i morgon er det samtalegudsteneste for komfirmanten i huset... Det skjer iallefall ting på heimefronten...:-)

God helg!