Etter vèrmeldingane i dag skulle vèret bli betre ut over dagen. Det stemde på ein prikk. Så etter ein tur til Dale med innlagt kaffibesøk på Allmuen med mor mi, vart det fint å ta trimturen på Høgeheia og Furefjellet. Og etter å ha bytt ut dei tyngste fjellskoa med nokre lettare sko, gjekk turen meir som ein leik i høve dei førre helgane. Aberet vart sjølvsagt iskalde tær. (Som nemnt før tòler dei fint lite etter fleire forfrysningar).
På Høgeheia er det no snøfritt, jmfr. bilda. Berre eit par fonner ligg igjen oppe ved toppen. Så her er det berre å gå for dei som ikkje likar snø.
På veg vest igjen til Furefjellet traff eg jammen på villsauene her ute. Det er lenge sidan eg har sett dei no (utanom dei tre hi helga). Dei såg ut til å ha det greitt (sjå foto og video). Denne gongen fekk dei ikkje ferten av meg, så eg kunne stille og roleg studere dei.
Kjekk trimtur.
Foto Høgeheia Furefjellet 160218
Ingen kommentarer:
Legg inn en kommentar