lørdag 4. juni 2016

Super lørdag

Øyravatnet i dag tidleg kl 06.56

Praktfull ligg ho der i morgonsol....


Søstrene Vigdis Flaten  Kvamme og Grete Flaten Vårdal på Eitrenipa i dag tidleg

Selfie må til
My old town
I dag lèt eg i grunn bilda tale for seg. Vèret er for fint til å sitte inne og skrive blogg. Men nokre ord lyt det bli.

Eg var tidleg ute for å gå over Eitrenipa, Nordre og Søndre Kringla og via Fossedalen til Dale. Så eg skreiv meg inn i boka på Eitrenipa kl 08.10, og rekna ikkje med at det var andre i området. Eg kvapp difor bra til der på toppen då nokon ropte hallo. Og der dukka jammen søstrene Flaten Vårdal Kvamme opp. Dei kvapp jo ikkje sidan dei hadde sett både bil og spor nede frå Skjerlia. Bilde fekk eg ta, men om det er noko symbolsk i "de foldede hender" veit eg ikkje... Det var gjerne eg som skulle ha gjort det, sidan eg med dette fekk køyrt bilen min heim igjen i Stongfjorden. Grandiosa!

Den vanlege ruta over Kringlene og ned igjen i Øvre Fossedalen er vel ikkje så mykje å skrive om. Perfekt. Tørt og fint. Lett i shorts og goretex joggesko #Inov8 Og fantastisk temperatur. 

I Øvre Fossedalen traff eg på tre ungdommar. Dei budde der for helga. Og var i gong med å skifte tak på austre sèlet. Kledninga skulle visst bytast òg. Kjempegreier. Forfallet sèt fort sitt preg på bygningsmassen her oppe i fjellheimen. 

Øvre Fossedalen i dag.

Ved Vassenden
Eitrenipa, Nordre og Søndre Kringla eg nett har "feia" over....
Nedre Fossedalen

Sidan bar turen ned den vanlege ruta langs Fossedalsvatnet, og via Nedre Fossedalen og Fossevikja til Otterstein. På stien som hadde 1-års dag 31/5 traff eg fleire personar. Og før eg rakk å kome meg til brua, tok to superspreke jenter meg igjen. Det andre søskenparet for dagen. Dette var Eli Terese Sande og Anne-Tove Sande. Etter ein hyggeleg preik fekk eg tilbod om haik til Dalstunet. Kjekt. Og i Dalstnet traff eg mor mi og Olaug. Klokka var 11.50. Og jammen min santen nådde eg sommarkonserten til hornmusikken kl 12. Hadde du sett. Ein aldeles strålande tur på ein super lørdag. Turen kunne simpelthen ikkje blitt betre!  


 (Sjå foto frå Dalstunet inn under teksten)

Foto
Eitrenipa Nordre & Søndre Kringla Fossedalen Dale 040615


Rundkøyringa i Dale er vakker...
 Sommaravslutning for hornmusikken i Dale

Torbjørn og Halvard Arstein.
Sistnemnde med litt av ein tuba..
Han bytte tuba alt etter melodi...

Sommartemperatur ungar og is framfor gamlehuset mitt i Dalstunet

Grand old men!
Magne Stensaker. Andreas Ramstad og Asbjørn Eikerol på plass i Dalstunet for sommarkonsert.
Tid for blomehelsingar til Jørgen Alisøy og Ole Jakob Nedrebø

Monica Nyland overrekker blome-helsingar til Ola Jakob Nedrebø og Jørgen Alisøy 



Ingen kommentarer: