Facebook

lørdag 4. august 2012

Double up

Røyrbotnholten i dag. Skoddevind og kjølig...
Etter å ha vore på Røyrbotnholten og Kultingane etter arbeid i går, tok eg oppatt same turen i dag tidleg. Eg manglar nokre turar hit på fjelltrimmen. 

Desse to toppane er forøvrig fine å ta i lag på same runda der sør. Kanskje eg har nemnt det før. Det er no ikkje så rare fjella heller. Dei kortaste på trimmen kanskje. Men dei må no gåast dei òg. I morgon får eg sjå om eg finn på noko anna. Til sjuande og sist er det ei tolmodsprøve å gå dei same toppane oppatt og oppatt.... Men forma er iallefall upåklageleg. 

I kveld står barnevakt på programmet. Og litt OL. Det er den store Larkin Poe festen inne i bygda. Ser ut som ein har gjort seg klar for fest no med partytelt og greier. Dei som kjenner meg veit vel kva eg tykkjer om partytelt. Øl, vin og dram, brennevin og sang, som vi song i Dale i gamle dagar, er heller ikkje heilt mi greie. Det er mange år sidan eg slutta med slikt.... Er egentleg reprise på reprisen det òg då, men eg held meg betre med nokre rundar på fjellet og kjem meg i seng når eg skal i staden. Men lukke til med festen for dei som skal;-)
Legg inn en kommentar